Brav aufessen und früh schlafen gehen hat uns leida nix gebracht, as Wetter war wieder nur mittelmäßig. :/
Aber Gott sei Dank war as Wetter de Koalabären voi wurscht und an der Straße zum Leuchtwum senn voi vü Koalas beim Chillen gwen.
Na wie mia a Gaudi mit de Koalas kab haben, sehr knuddelig de Tiere und a tolles Leben habens a. An ganzen Tag schlafen und de Eukalyptus Blattln fressen.
De Mama mit ihrm Baby war a aufn Weg und sehr aktiv auf Futtersuche.
Des war sicher da meist fotografierteste Koala des Tages, weil der is echt auf den dünnen Ast mitten auf da Straße oben gsitzt.
Mi wunderts ja, dass de de Bam da megen haben, weil da is echt de Straße vorbei gangen und da senn schon einige Leute vorbei gast.
Am Ende der Straße war eigentlich ganz a bekannter Leuchtturm, der hat ganz cool ausgschaut, aber da senn de Menschenmassen nur so hingeströmt und Eintritt war a nu gwen. Da haben ma glei beschlossen, den spritzen ma und mia gehn dafür a Runde.
Eigentlich woit ma nur zur Küste runter gehen, dem Weg was ma dann lang gewandert sind, war dann der Great Ocean Walk und hat de ganze Küste lang geführt.
Da war nix los, aber des war wahrscheinlich a des Wetter, weils so ausgschaut hat, als wie’s jeden Momemt zu regnen beginnt.
Nach einer Stunde wandern, habn ma gsehn, dass kein Ende hergeht, dann habn ma umgedreht, weil da Rückweg ja a numal a Stunde war. Es war aber voi a netter Weg durch die Büsche und so kennan ma sagen, a Stickal haben ma geschafft.
Der wohl bekannteste Platz an der Great Ocean Road ist der Platz wo die 12 Apostel zu sehen sind.
Von denen aber e nur mehr ein Teil steht, es sind 12 Kalkgesteinsformationen, die irgendwann den Namen 12 Apostel bekommen haben.
I sags eich, da war a Zuagang, da Wahn. Es waren sovü Leute, da haben ma scho fast gar nimma aussteigen mögen.
Aber da ma scho mal da waren, senn ma kurz in de Kälte außi und haben mal de 12 Apostel an Besuch abgestattet. 🙂
Ma muss zugeben, se schaun schon cool aus, de Felsen, wie se da so im Meer stehen und de Farben senn a ganz toll.
Da an der Küste weiter gibs dann eine Aussichtsplattform nach der Nächsten, wir haben natürlich alle besucht.
1.
De Bucht war dann so da Traum zum Baden. 🙂
The Loch Ardge
Caves
Des war dann de London Bridge, da war mal a Verbindung zwischen de 2 Felsen, wos es einbrochen is, senn nu a paar Touris auf da andern Seiten drüben gstanden, de habens dann mit Heli geborgen.
Da war uns überall zu viel los und mia senn drauf kommen, dass ma etz doch schon etwas gesättigt enn vo de letzten 3,5 Monat! Und gar nimma so vü Platz haben für de neuen Eindrücke und Bilder.Aber i glab es is a a bissl am Wetter und an de unglaublichen Massen an Leit glegn! 🙂
Weil as negste Platzal was ma nu gfunden haben, war einfach wieda der WAHN!! Es war a Vulkankrater, der tot is, aber i sags eich in dem Krater da war a Natur des war schon wieder kitschig, so schea!
Begrüßt senn ma moi von a Horde Emus worden, da Joe hat bissi schiss kab, weil er gwusst hat, de Viecha können anscheinend aggressive werden. I habs nit gwusst und bi oafaoch vorbei glofen, er war scho vorsichtiger, des war ja nu a Action gwen, wenn ins de ugangen warn. 🙂 [Joe] I hab scho amoi glesen, dass de ganz schea agressiv wean kenna und hab zur Vroni gsagt sie soi aufpassen, aber na, sie lafft ganz nah an de Teile vorbei!! 🙂 Danach habn ma dann bei an Schild glesen, dass ma volle aufpassen muaß, weil de gean aggresiv wean und da is dann genau drauf gstanden wia ma sich verhalten soi! 🙂
Ja kloa senns ja nit de Vögel…
Da sieht ma oben an Plan vom Krater, mia wolltn unbedingt einmal zum LAST VULCANO gehen und den einmal umrunden.
In der Mitte drin war ein kleiner See mit Moos und Co.
Da warn ma dann ganz oben und haben a super Aussicht gehabt.
Es war genial, was uns da dann für Tiere begegnet senn.
Aufeinmal hupft a Känguru vorbei, des war irgendwie zamm, weils voi lang gwartet hat, immer wieder gschaut, was ma grad tun und brav für Fotos psoiert hot. 🙂
Da hast dann richtig Acht geben müssen, weil auf einmal senn dann voi vü Kängurus vorbei gehoppelt, dann wieder mal a kloana Hasi, aber de waren leida wieder zu schnell weg.
De Kängurus waren etz nit so groß und a dunkler wie de oan großen was ma schon gsehn haben, aber se warn recht zamm, da hat ma echt weit zuine gehen können. 🙂
Meiiii i mag Kängurus und hat gern oas für daheim. 🙂
Nach a Stunde warn ma wieder beim Auto und es hat uns koa Emu, Känguru oder Hase angegriffen, somit senn ma nu ins kleine Städtchen Port Fairy weitergefahren. Haben da in a HI Hostel eingecheckt, senn nu ins Zenturm auf 2 Bier gangen und haben dann gut in unserem netten Zimmer geschlafen. 🙂