Nach an guaten Frühstück ham ma uns ins Auto ghockt und san oafoch moi in Richtung Santa Barbara los gfahrn.
An der Küste entlang, ham ma scheane Häuser und Strände gsehn….bei oan san ma dann glei obogen …
….und ham uns gmiatlich an Sand gflaggt und einfach mal nix tu 🙂
Da Joe is dann a Runde an Strand entlang glaufn und i hab amoi die feine Sonne genoßen und a Runde gschlafen! 🙂
An spadan NM san ma dann in a Pizzeria (de Pizza war echt guat, aber wieda amoi Kunststoffbesteck und komische Teller – koa Essenskultur die Amis… 😉 ) essen gfahn und danach zum Verdauen an Strand gfahrn.
Da ham ma ziemlich an schean Sonnenuntergang erlebt,
aber da mia scho bissi ugschlagen warn…war uns dann glei zkalt, weils Meer ziemlich freshi war, dann san ma zrug ins Hotel gfetzt.
De Amis san echt freundlich und alle reden die glei an, weil mia glaub i scho bissl als Touris ummakemman… 🙂
Da hat uns a älterer Pensionist( va dem die Vorfahren aus Linz waren) ugsprochen und probiert a Jump Foto vo uns 2 zmachen, ausakeman is des:
Er hat gmoant…er hats super aufekriegt…daheim ham ma dann gsehn ,wie super ers aufekriegt hat….funny… 🙂 Schaug irgendwia aus wia wenn ma boade “Gaggn” warn…. 🙂 Hihihi…
Nach a bissl Bewegung vorm Einschlafen san ma dann heim düst.
Good night! 🙂