Mia senn amoi gscheid ausgschlafen, war ja Montag und wenn ma nit arbeiten muss, is da Montag prädestiniert fürs Ausschlafen. 🙂 *Hust*,*Räusper*, nuamoi *Hust*… Die Vroni hat amoi ausgschlafen, i hab während dessen as Auto zum Flughafen gebracht! Mia habn da um spätestens 10e von da Hotelgarage außn sei müssen und um 11:30 beim Flughafen!
Jetz bin i amoi quer durch die Stadt an geschätzten 400 Baustellen vorbei, mit Linksverkehr in Richtung Flughafen gschwoaßt. Hab mi dann kurz vafahren (hoib so schlimm), aber bin dann fast pünktlich aber mit lei dreiviertel vollem Tank am Mietwagenstand ukemma. I hab dann amoi so logga gfragt, ob des eh nix tuat, dass da Tank nimma so ganz 100%ig voll is. Dann hat mi de kloane liabe Frau a bissl komisch ugschaut und etwas lauter gsagt, dass hoit 6$ pro Liter kostet, wenn sie auftanken müssen. Echt hart! Dann bin i nu amoi vom Flughafen außibogn, scho leicht ugfressen, hab i dann a Tankstelle gfunden! Vollgetankt dann wieder zu der netten Frau hi, hab’s Auto abgebn und bin dann mitn Bus wieder zrug in die Stadt! So, des war mei ausschlafen! 😉
Ganz ohne Stress (die Vroni war natürlich voll relaxt) senn ma dann mal Nachmittag in de Stadt gmantelt und ham ins an ersten Eindruck vo Melbourne geholt.
Entlang dem Yarra River sind ma dann mit einem Eis spaziert.
Beim Spaziergang haben ma dann scho coole Plätze und tolle Kunstwerke der Stadt entdeckt.
Der Platz unten is ganz beliebt, da Federation Square, wo sich Leute treffen und abhängen. Aber irgendwia schaug des Gebäude a bissl komisch aus… Da hat uns a da Tourguide gsagt, manche Melbourneianer mögens, manche hassen’s! 🙂 Sonsch is die Stadt echt wunderschea (vü unterschiedliche Baustille), aber des ku meiner Meinung nach nid so vü! 😉
Mia ham a zufällig a super Bar aufgespürt, wo de Happy Hour ziemlich gut war, da hats a guats Bier und an guaten Hauswein geben.
Da haben ma dann gemütlich 2 Stunden in da Sonne verbracht und spada dann diniert. 🙂
Unser Hotel is gut gelegen und können wir echt empfehlen, haben wieder ein Schnäppchen gefunden, das Great Southern Hotel.
Mia senn dann nu a bissl die Promenande entlang gelaufen und haben den echt wunderschönen Tag mit einem tollen Sonnenuntergang ausklingen lassen.
Archiv für den Tag: 2. Dezember 2013
94. Tag: Letzter Tag – Küstentour
Die erste Tat a dem Tag war, Morgen-Schwimmen von Vroni, der Campingplatz hot echt a lässigs Pool dabei kab, des bin i glei 50mal ausgschwumman. 🙂
Die zweite Tat a dem Tag war, zu am Strand gasn und zum Anlass von Steves Geburtstag, was an Sand z’schreibn. 🙂 Mia ham uns dafür den schönen 90miles Beach ausgsucht.
Danach senn ma weiter gfahrn zum Port Albert, da wars voi cool und sehr windig, aber an da Küste weht hoit moi a anderer Wind. 🙂
Nebenbei muss i erwähnen, dass echt in jeder australischen Stadt im Stadtkern irgendwo a Flak oda irgend a historische Kanone ummasteht, de senn da echt volle Stolz drauf, dass sie dem Vereinigten Königreich in jedem Konflikt zur Seite gstanden senn und a imma nu zur Seite stehn! 🙂
De Möwen Freunde trifft ma a echt überall, mia ham dann Arbeit kab, dass ma nit va eana vo da Luft ugriffen werden. 🙂 De wissen scho, dass sie va die Leit was kriags, deshalb gehn se glei voll auf oan los!
Mia ham uns de feinen Kappen und Jacken anzogen und senn mal an der Küste lang gewandert.
Da war so a Art Sumpflandschaft mit diversen Pflanzen.
Mia gehn so gmiatlich dahin und philosophieren über ois mögliche, auf einmal daschrick i voi, weil echt nit weit weg vo uns hat sich was bewegt. 🙂 Jaaa und es waren Kängurus. 🙂 Juuuhhuuuuu!
A Mama mit seinem Jungen… mia ham uns probiert nit zu bewegen, dass ja nit dastrecken, aber de ham uns genau im Auge kabt.
Da Rest von da Familie war a nit weit weg, des waren sicha de Männer, mia ham dann schon gsagt, hoffentlich werden de nit aggressiv und greifen ins u. 🙂 De habn ganz schea waxe Oberarme!!! 🙂
Aber de warn voi friedlich und mia hams ohne Attacke überlebt und dann sens davon gehoppelt. 🙂
Der Vogel is a immer über uns gekreist. Der woit sicha a was zum mampfen!
Nach a Stunde wandern haben ma wieder umdreht und senn zum Port Albert zrug, senn in den Dorf auf an Kaffee und Kuchen gangen und wieder weitergfetzt. 🙂
Mai senn dann gfahrn und gfahrn…irgendwie haben mas bissl übersehn und senn scho ziemlich nahe bei Melbourne gwesen.
Hier der Strand an der Küste vor Melbourne.
Ja mia senn dann mitten in de Vororte von Melbourne gstanden und woiten eigentlich nu irgendwo vor der Stadt übernachten.
Naja da war leider echt weit und breit koa Motel umma, Internet is beim Handy a zeitweise nit gangen, Campingplätz warn allle scho zu.
Ein Käse, der nägste Plan war im Auto auf irgendeinen Parkplatz schlafen, mia senn scho da gstanden. Joe hat sich scho drauf eingstellt und koa Problem damit kab, aber i hab dann überlegt und irgendwie hab i ma denkt, boa des is scho hart, kalt und ungemütlich im Auto. Da ku ma ja nid amoi kuscheln… 🙁
I hab dann beim Hotel, was ma für de negsten Tag gebucht haben, angerufen und irgendwie ham mas dann gschafft und haben dann um 10e abends nu im super coolen Hotel eingecheckt. 🙂
Mei hat de warme Dusche, des feine Bett und amoi ois Auspacken dann gut getan!
Melbourne, mia Tiroler kemman! 🙂
93. Tag: Seen und Strände…
Der erste Stopp war an diesem Tag bei einem Lake, leider wissen wir nicht mehr genau wie er hieß, es war irgendwas mit T. und er lag vor dem großen See: Lake Entrance.
Da habn ma amoi an alten mit Dampf betriebenen Traktor gfunden und dahinter is nu da da Anhänger gstanden! Hat a bissl ausgschaut, wia a Gefährt aus da Steinzeit! (a la Fred Feuerstein! 😉 )
Der See war gleich neben dem Meer, also eigentlich war es Meer, aber die Leute beschlossen wohl einen eigenen See daraus zu machen. Wir schlenderten am Strand entlang und kämpften mit hunderten von Fliegen. Da wir keine Chance hatten, ham mas aufgeben und uns anderweitig beschäftigt.
Mia woitn ja immer scho a Sandburg baun, aber fürn Anfang haben ma lei mal a Kanal (fast so gruaß wia da Panamakanal 😉 ) baut und gwartet und gwartet bis endlich a gscheide Welle kommt, dass ma sehn obs funktioniert. 🙂
Wie in da Kindheit….Sandspielen… des tut gut! 🙂 Echt im Sand ummahupfn is echt genial! 🙂
Nach a kurzen Autofahrt senn ma beim Lake Entrance angekommen.
Da warns dann erst recht a Plage de dummen Fliegen, i woas nit warum, aber de habn uns echt belagert. Überall in Australien! Und es is ja nid so, dass ma uns nid mindestens oamal in da Wochen waschen! Hihihi! 😉
Aber ma sieht deutlich, dass ba da Vroni wesentlich mehr oben sitzen… Was des wohl bedeutet??
Dann senn ma hoit in a Gasthaus eine gangen zum Essen, weil de Viecha leicht gnervt haben, aber es gibt schlimmers (geht so, de warn echt so hascht, da war i fast ausgezuckt! So vü Fliagn hab i nu nie gsehn und man bedenke ja, dass de vorher auf die Hundehäufchen sitzen und dann in meinem Gsicht! Wüd! 🙂 [Joe] ), i hoff moi nid, dass ma so gstunken haben. 🙂 Hihi…
Auf an Hügel oben hat der See dann sehr paradiesisch ausgschaut.
Die Weiterfahrt hat uns dann nach Bairnsdale geführt.
Hier hatten wir eine Kabine für die Nacht auf einen Campingplatz gebucht, des war cool, voi billig und sehr stylisch.
Das war unser zu Hause:
Da war alles drin, was ma braucht hat.
A Küche, Bett, Tisch und Stühle und hinten warn sogar nu 4 Stockbetten für Kinder drin. Sehr gemütlich!
Was ma da mal dringend tun haben müssen, war Waschen.
Mittlerweile hots ausn Nichts voi zum Wettern angfangen und wo ma mit da Wäsche zum Waschsalon gloffn senn, hat uns fast da Blitz troffen, puhh der war echt so nah, dass mas nimma glaubt haben.
Aber mia haben ja immer Glück, also ham mia trotz Gewitter mal gscheid an ganzen Rucksack gwaschen und warn mal a Zeitl aufgehoben. 🙂 Daneben senn ungefähr 20 Pensionisten in dem Waschsalon gsessen, de senn vom Regen geflüchtet und habn dann da a kloane Party gfeiert! De habn sich dann mitn Joe prächtig unterhalten. Woitn vü va Österreich wissen und habn erklärt wia schön Australien is! Wolltn ihn dann nu vom australischen Bier überzeugen und habn ihn glei auf zwoa Halbe eingladen! 🙂 Und gredet und gredet und geredet! 😉 Warn echt nett de Leit!
Am Abend senn ma dann numal ausgruckt, woiten zum Strand fahrn, aber so leicht war des gar nimma, da oan z’findn.
Irgendwie war da koa Sandstrand umma, aber wir haben an haufn nette Tiere getroffen und de für eich festgehalten. 🙂
Des is mal da Black Swan, da gibs voi vü von de Tiere, ganz komisch wenn de schönen Schwäne nit weiß san, sondern schwarz.
Meiiiii und da waren ganz viele Hasis, da laufen echt vü Wildhasen umma, des senn aber voi süß, de senn nit so wie bei uns de Feldhasen. De senn so klein wie bei uns de Zwergkaninchen.
Mei die Vroni in ihrem Element, überall warn lei mehr Hasiiiiiieeeees… Vor lauter Hasis war i scho ganz uninteressant! Und bei jedem habn ma steah bleibn miaßn a Foto machen! Awa leider senn da dann glei immer voi schnell davu glofn.
I hab nebenbei lei die ganze Zeit an an guatn Hasenbraten dacht! 😉
Beim Aldi warn ma wieder einkaufen, um uns abends a super Nudelgericht zu kochen: 🙂 In unserem “Container” habn ma echt super gut und ultimativ günstig geschlafen. 🙂
Ku ma lei empfehlen die Teile! 🙂
Schlaf Kindlein schlaf! 🙂
92. Tag: Entlang der Küste…
An dem Tag haben ma leider des scheane Motel, wo ma uns schon so heimelig gefühlt haben, wieder verlassen miassen.
In da Früh haben ma nu bissl a Action kab, weil da Feueralarm ogangen is, bzw. i bin aufgschossen und hab gschaut was los is und da Joe hat nu halb geschlafn, aber er hat dann gecheckt, dass lei da Rauchmelder war und hat ihn dann abgstellt… 😉
Da erste Halt war de Mystery Bay:
Zweiter Halt war das historische alte Dorf Tilba Tilba:
Da wieder amoi unser neuer Toyota Corolla… Sehr stylisch und irgendwia habn ma bis jetz nur Toyotas ghabt! Echt gewaltige Autos! 🙂
Sehr gemütlich des kloane Städchen! 🙂
Hat so richtig wia a alte Western Stadt ausgschaut! 🙂
Der dritte Halt waren die Camel Rocks:
Der vierte Halt war Old Historic Wharf: hier aßen wir etwas zu Mittag und schauten den Fischern beim Fischen zu. Des war ganz interessant, weil da eine Mann hat an kleinen Hai gefangen kab. Aber den woit a dann nit verspeisen, deshalb hat er ihn wieder freigelassen. Mia habn den Typen dann nu a bissl beim Fischen zuagschaut und erfahren, dass des oana va die besten Plätz in Australien is zum Fischen! Se habn dann nu nebn uns an Oktopus außa, hat jetz nid so gewaltig ausgschaut… 😉 Voll da Schlaaaaazhaufn! 😉
Der fünfte Halt war sehr spontan und wir hätten fast einen Unfall gebaut! Des war, weil die Vroni, wia a Irre gschrien hat “SSSSTTTTTOOOOPPPPP” und i hab scho gmoant i hab was vom Auto verloren und hab a Vollbremsung higlegt! Daweil hat sie lei paar Kängurus gsehn… 😉 A Wahn die Frauen! 😉
Wir hielten an einem Feld und da waren sie. DIE KÄNGURUS!
Mei sooooo liab… da warn voi viele – klein und groß.
Wie des lustig ausschaut, wenn de so durch de Gegend hupfen…
🙂 I glaub des war a ganzes Känguru Dorf. 🙂
Da warn Kloane und Gruaße dabei. Echt sooo cool! 🙂
Des schaut echt richtig witzig aus, wenn se durch de Wiesen hoppeln. 🙂 Da woit i gar nimma weg, aber se san dann übern Hügel geflüchtet… Des war ehna z’viel Aufmerksamkeit! 🙂
Der letzte Halt a dem Tag war in der Nähe von Orbost, wo wir ein Motel fanden, dass halbwegs billig war. A wieder sehr gemütlich! Da hat da Joe dann nu a Pizza gholt, dann hat’s nu kurz angfangen zu stürmen und zu hageln, dann habn ma uns glei amoi in Bett verkrochen! 😉
Nebenbei erwähnt muss ma sagen Australien ist relativ teuer! A um einiges teurer wia Neuseeland. Da AUS$ steht ganz guat da. 😉