26. Tag: letzter Tag in USA

Heute in da Früh war i froh, wo i aufgwacht bi, da Joe hat nu gschnauft und is nit bewusstlos neben mia glegen. 🙂 Na er hat bissl übertrieben, weil vorm Einschlafen hat er ma nu de Notrufnummer und ois gsagt, fois er de Nacht nit übersteht. 🙂
Gestern abends hat da Ausschlag/Allergie oder was des a immer is, echt wüd ausgschaut und er hat sich nima auskennt, was los is. 🙁
De Frau in da Apotheke hat uns gsagt, mia soidn a Salbe mit Cortison auftragen, des hab i eam dann abends aufegschmiert.

Heute in da Früh is dann scho vü bessa gangen, i woas echt nit was des is, obs as Hotel is, obs de Sun is, obs irgenda a Allergie oder so….jedenfalls is etz besser und mia hoffen des kommt nima.

Heute ham ma dann um 12 beim Hotel ausgecheckt und uns in de Lounge kaut,  mia habn Blog gschrieben und die Weiterreise geplant.

Nachmittag san ma dann mal ause, was Essen und Einkaufen, Apotheke und Luft schnappen. 🙂
SuperShuttle-250x161
Oamoi warn ma nu echt gut essen in an feineren Laden, da habn ma echt 2 gute Pizzen kriegt und san dann happy abgereist.
Am Abend um 8 Uhr hat uns dann wieder as Super Shuttle vom Flughafen ogeholt und zum Airport bracht. 🙂
Um 00.15 heißts Abffllluug und gggehts weiter nach Peru, in die Hauptstadt Lima. 🙂 Wir san scho gspannt auf des Land!

25. Tag: Hollywood & Co

So hab i in da Friah ausgschaut! Echt wild, ois gschwollen und am ganzen Körper(gott sei dank nid an die wichtigen Stellen… Hihi… Es wissts was i moan, oda??) 😉 De Flecken habn a nu volle bissn, und i woaß echt nid woher… Echt eher a bissl grausig des Ganze…
P9173856
P9173853 P9173855
P9173857P9173858 IMG_2602
Im Gsicht hat er bissl ausgschaut, als wie er a grad a harte Nacht hinter sich kab hat und in an Club kämpft hätte oder so. 🙁
Er hat dann doch gsagt, na gehn ma ause und schaun uns was u.
Mia san dann von da Main Street gstartet und aufn Weg zur Metro Station, san ma bei Filmdreharbeiten für a Pilotserie einekeman,
a Wahn wie oft de 1 Szene numoi dreht habn und was des für Aufwand war, Polizei und ois war dabei. Hat a bissl so auschgschaut wia Sons of Anarchy. Und vl. senn die Vroni und i bei da erste Folge als Fußgänger voll dabei… 😉
P9163698P9163697P9163702P9163710
As lustige war, de Serie spüt normal in New York, se drehns aber in L.A. deswegen hams de Taxis, Lokale, Autos ois umpicken miassn,
bzw. die Autos va NY nach LA liefern. Da hat’s dann echt wia in NY ausgschaut, NYer Taxis, NYer Polizei und NYer Autos
P9163711 P9163701
Danach san ma dann mit da U-bahn nach Hollywood aufe gfahrn, irgendwie san sonst koane Touris in da U-Bahn gsitzt ausa mia.
I glab des wead die Touris a nid empfohlen.
Aber da mia as Auto scho zrug geben haben, warn ma sonst nit hikeman, awa war e ganz gmiatlich, außer de Leit hoit, de wieda amoi mit sich selba gredet habn! 🙂 Und uns is aufgfallen, dass in LA echt nid alle Englisch reden, da sprechen ganz vü lei Spanisch(mexikanische Einwanderer)!
P9163717
As Muss is ja in L.A. den berühmten Walk of Fame uschaun, dann san ma da über de Stern so lang gangen, as lästige war echt, da stehn 100000 und 3 Leite auf da Straßen und mechtn da so a Tour mit Busse udrehn, echt hort. Mia ham alle abgwimmelt und koa Tour gmacht!! Mit so an schwindligen Bus durch die Straßn fahrn???
P9163718 P9163727P9163724
P9163728 P9163729P9163730P9163731
Da Joe woit dann ins Madame Tussauds eine gehn, weil er nu nie war. Und mia habn a nu a spezialpreis kriag!! 🙂 Da Joe verhandelt überall! 😉
Da drin wars dann echt lustig und es war a Gaudi as Foto machen, da schreibn ma etz gar nit vü, weil es kennt e jeder und Fotos ham ma e 100 gmacht. 🙂
P9163732P9163735P9163736  P9163738P9173743 P9163739
Da Brad und i… Da schaug i decht bessa aus, oda?… 🙂 Hihi!
P9173756P9173745  P9173757 P9173758P9173747P9173760   P9173767P9173762P9173770 P9173771P9173773P9173778
P9173776  P9173782 P9173784P9173790P9173791 P9173795P9173799P9173800P9173796    P9173804P9173810P9173809P9173811P9173819P9173821 P9173813P9173815   P9173822P9173823P9173825 P9173829P9173832P9173833
Nach 2 Stunden warn ma durch, dann san ma auf da oan Seiten an Walk of Fame wieder oche gangen. Vor dem Theater ham ma dann nu de Händ und Fußabdrücke vom Arnie gfunden.
Da Joe is ja voi da große Arnie Fan. 🙂 Und siehe da, da Arnie hat die gleich großen Händ wia da Joe! 🙂P9173834
As berühmte Hollywood Zeichen ham ma a nu suchen miassen, dann san ma e bei so a großen Einkaufscenter vorbei kommen, da hat ma an guten Ausblick drauf kab. 1-2 Fotos und passt, woas nit was da so toll is, aber ja, wir waren da! 🙂 De paar verfaulten Buchstaben im Gras… 😉 Aber senn hoit doch die “Hollywood Hills”! 😉 I woas nid wia die SUNRISE AVE da auf den Song kemma senn! 🙂 Aber der Song passt irgendwia zu LA… I horchn grad nebn an schreibn! 😉
P9173845 P9173846 P9173847
Da san ma dann nu was Essen gangen, voi gut italienisch… des war echt moi sehr lecker und danach ham ma wieder dringend ins Hotel zrug miassen, weil de Flecken vom Joe gwachsen und gwachsen san. Aufn Heimweg warn ma dann in da Apotheke, de Frau hat’s gsehen und glei gfragt ob ma in an Hotel senn und uns dann gsagt es kannt von de Betten sein.
Oh Mann … de hat uns nu gfeit, dann san ma ins Hotel und ham de Zimmer gwechselt und gehofft, es werd schnell bessa. 🙂
P9173842
Good night! 🙂

24. Tag: Los Angeles

Am Vormittag ham ma dann a paar wichtige Sachen für die weiter Reise erledigen miassen, Hotels buchen, Flüge buchen und so…
Danach san ma moi los zogen und san einfach durch die Stadt geschlendert.
P9153662P9153666P9153668 
Mia wohnen in Downtown, wie sicha de Gegend is, woas i nit… wenn ma so ause geht, tat i sagen, beim Hellen OK, aber beim Dunkeln wars ma z’wax, wenn i dann de Leit in de Straßen triff. Mia is aufgfallen, da in USA reden ganz viele Leit mit sich selba alloa! Ganz komisch… Und da Joe moant dann imma de redn ihn u, und er will dann imma glei voll ins Gespräch kemma, bis i dann eingreif und ihn da va die komischen Leit wegtua! 😉
P9153663
Mia san durchs Finanzviertel spaziert, vorbei an der Disney-Concert Hall und so, es war hart, da Joe war immer schlechter beinond und sei Ausschlag is scho mehr wuan, de Sonne war glab i a nid guat!
[Joe] –> A Tipp va mia, nehmts in LA a Auto, de Stadt is zu Fuss fast nid begehbar… Die Stadt is ja nu “relativ” jung, des hoaßt de is erst richtig gwachsen wo’s scho Autos gebn hat.
Und LA is sehr gruaß, weil anscheinend habns va New York glernt, da hohe Gebäude bei Erdbeben usw. nid die beste Sach senn, deswegn senn in LA nid so viele Hochhäuser, aber va da Fläche her is die Stadt riesig! 🙂 Jedenfalls, da is echt ois komplett fürs Auto ausglegt, acht-spurige Straßen und es geht immer lei in oa Richtung! Z’fuaß is sowieso fast niemand unterwegs. Außer mia natürlich… 😉
P9153665 
Deswegen ham  ma dann eher an Schatten gesucht. 🙂
P9153670 P9163677P9163681P9153673 
Des unten wars Gebäude von da Polizei.
P9163682P9163679 P9153674 
Dann san ma nu durch Little Tokyo durch spaziert, bissl Geschäften geschaut und am Ende der Staße, warn dann auf an Platz,
grad de US SUMO OPEN.
P9163685
Da ham grad de Frauen gekämpft, sowas sigst a lei in Amerika.
P9163690 P9163692 
Da hinten san dann de Manda Sumo-rRnger gstanden, de warn aber gar nit “groß” und “broat” und so wie mas kennt. Aber de habn sich ganz schea ins Zeig glegt, de Typn! 🙂
P9163695
Danach ham ma wieder an Weg zum Hotel aufgsucht, san an wilderen Straßen und Gegenden vorbei kommen. 🙁
Es is oafoach echt zach, i bin echt schockiert, wie viel Elend es da auf de Straßen gibt und neamb tut was. Es is so vü Müll umma, an jeder Ecke, schaut echt grausig aus und dreckig is ois und es stinkt echt grausig. Es liegen leida echt so vü Obdachlose auf de Gehsteige, Parkplätze, Straßen, aber teilweise ham de scho richtig eana Platz da eingerichtet. Da oane hat sogar a Matratze kab, Polster und so, der hat da fix gwohnt. Da sag neamb was und es hilft a neamb. Es is so wild, weil du gehst da vorbei, aus Touri, und alle reden die u und mechtn a Geld. Verschiedenste Sachen ham ma da gsehn, da oane hat frisch obn stehn kab: I need weed, oder ebn bier. Da ku ma fast nie hinschaun, weils de Leute echt schlecht geht, aber da san echt nit übertrieben, an jeder Ecke und auf alle Straßen sitzt jemand, aber quer durch, ham ma a junges Paar gsehn, Männer und Frauen jeden Alter. Da keat echt was unternumma, aber i woas a nit, is des di Amis wurscht oder tun de oafoch de Augen zu?!?!
[Joe] –> Des is oafach USA, des is ehna System. I glab da gibt’s des soziale Denken nid wia bei uns. Mia habn de alle imma volle load tu, i woit da jedem was geben, aber wenn des tuast, dann hasch ja selba nix mehr… Aber des hat mi echt a schockiert, wia viele Leit da auf da Straßen lebn, auf und auf ugschissn, uprunzt, auf so einem grausigen Gehsteig, zwischen ois Mull! Und a junge Leit… Vom Ausschaugn her echt a liabs Pärchen, lieg da im Dreck in da Sonne und bettelt di wegn a paar Penny u… Und nebenbei fahrt grad oane mit 500.000$ Auto vorbei… Irgendwia is die Welt da a bissi vadraht…

23. Tag: Auf nach L.A.

Mia san in San Diego um 10e gestartet und ham uns aufn Weg zu insa letzten Stadt in Amerika gmacht.

Um 3 ham ma unser Leihauto in L.A. am Flughafen zrug geben, san dann mit an Airport Shuttle (um 16$ pro Person) wieder zum Hotel in Downtown gfahrn und ham moi a Mittagschlafal gmacht und san dann oafach liegen blieben und ham moi gfastet. 🙂

Des Hotel Main on Stay is ganz stylisch und mia san eigentlich zufrieden. Es is so a Mischung aus Hotel und Hostel. Fi de Preis was ma zoit san ku ma zufrieden sein.
Außer, dass i ma Bettläuse oder irgendwas seltsames koit hab… Überall auschaug wia da Grand Canyon… Wüd… Fotos folgen! 😉
und de Vroni hat dann a nu was o kriegt…juhuuu 🙁

22. Tag: San Diego

P9133397 
Bei dem Hotel war a Frühstück dabei, da hat ma selber de Waffeln machen kenan, des hat an Joe taugt und gut warns a!
Mia ham uns dann ans Pool zu Amis vo Florida dazua gsitzt und san mit denan so ins Ratschen keman, dass ma 2 Stunden am Pool ghockt san und über ois möglichen gredet haben. Des Ehepaar war echt voi nett und offen, de ham glei ois mögliche erzählt, wies in America lafft. Da Joe hat glei gfragt ob sie Republikaner oder Demokraten senn, was sie vom Arnie halten und was sie zum bevorstehenden Syrien Krieg denken. Voll wax, de habn uns alles voll erklärt und uns is a bissl klarer wuan wia Amis senn. 🙂 Die Zeit is leider echt zu schnell vergangen, weil mia ja eig. in die Stadt woitn. Naja um 12 san ma dann doch nu gstart.
De Stadt is echt schea, mitn Wetter ham mas wieder moi supi dawuschen, so san ma moi quer durch de City und ham versucht an Hafen zu finden.
P9133395P9133401P9133409 
An BMW mit der Ausführung gibs anscheinend bei uns nit, hat da Joe gmoant. Na, gibt’s echt nid, oda i hab hoit nu koan gsehn! An 5er mit a 5Liter Maschin! I glab da M5 hat nid amoi so a Maschin drin.
🙂 A wahn, weil in USA hab i nu koan BMW gsehn mit unter 3.5 Liter! 🙂 (Joe)
P9133408 
Da stehn voi vü so Kriegsschiffe uma. Des is a da größte Navistützpunkt an der Westküste! (Joe)
P9133412P9133410 P9133411 
Auf dem Schiff is zugangen, des hams voi fi de Touris hergrichtet.
P9133414
Die Hafengegend war a ganz schea.
P9133416 
Danach is abgangen in den SAN DIEGO ZOOOOOO:
Des is einer der größten Zoos der WELT, da ham ma hin miassn!
P9133425 P9133459
Da gehn ma etz gar nit vü Senf dazu, weil de Tiere warn alle toll und einzigartig, schea und manche lustig. 🙂
P9133453P9133476P9143501
P9133460 
Zach war, dass de Amis echt a Gondelbahn über den Zoo baut habn, also de is schon sehr in de Jahr keman, aber natürlich ham mas ausprobieren müssen. 🙂
P9133462 P9133465 
Zu de 2 unteren Wesen auf de Fotos muss ma sagen, de ham a gewisse Ähnlichkeit kab, da Bart und as nette Dreingschaug 🙂
P9133472P9133471P9133473
haha und bei dem Bild unten triffts  a irgendwie zu.
hihi und de Robbe war so nett! =)
P9133477
P9133481
An armen Eisbär war a zu heiß, der hat sich versteckt.
P9133483  P9143490 P9143494
P9143489P9143492
Da Joe hat hin und wieder gwisse Stellen der Tiere mit Fotos für eich festhalten müssen, weil as nit glauben hat kenan, wie männlich manch ein Tier da is. I glab er is da glei a bissi neidisch wuan. 😉
P9143495
De 2 Nilis warn voi süß!! De haben sich unter Wasser bewegt wie 2 Ballerinas, kenan aber nit schwimmen, echt nett!
P9143508 P9143511
Des Tier hat an Joe voi taugt, er hat gmeint, da hams im Zoo a Pferd und a Zebra gekreuzt,  aber des Viech gibs anscheinend echt in Afrika und des ku sogar de Zung ungefähr 40cm ausfahrn um Essen zu fangen. 🙂
P9143517
An Tiger war glaub i a zu heiß, der hat sich a eher versteckt, awa mia ham mit unserer supa Cam scho aufzoomt. 🙂
P9143519 P9143521
Des war a Mini-Affe, der war maybe 10cm groß.
P9143524 P9143527 P9143535P9143539P9143542 
Einige Tiere ham sich bei der Hitze einfach mal tot gestellt.
P9143544
Der Affe war so lustig, hat de ganze Zeit gegähnt und dann wieder mal an Laus vo sein Fell ausazogen und vernascht und dann wieder so Sachen aus seiner Nasen geholt, de dann a im Mund gelandet sind, des war dann eher grausig. Jedenfalls hat ma da perfekt gsehn, va wem da Mensch abstammt. 🙂 Bzw. wer echt da näheste Verwandte vom Menschen is! 🙂
P9143546 P9143549 P9143550 
Ma mechts nit glabn gä, awa de Amis baun a Rolltreppen mitn an Zoo eine. Wahn, so was muss da einfallen. 🙂
Es san a überall so Sessel gstanden, wo da Joe oben sitzt, da hast da de Füße massieren lassen kenan, des war echt mega fein! Mia senn ja z’fuaß gangen! 🙂
P9143559 P9143562 P9143563  
P9143567 P9143578P9143566
Da warn so vü Tiere, i glaub es san über 4000 Tiere im Zoo.
P9143580
Hier noch die Elefanten und spannende Details…
P9143584 P9143585 
De Elefanten kriegen in dem Zoo 3mal de Woche a Maniküre, hams uns dazählt und a eigene Waschstraße hams a baut.
P9143592  P9143594 P9143593
Kamele megen mia oafoch gern. 🙂
P9143595
Die Geier: So cool, erinnert mi a bissl an Lucky Luke.
P9143603P9143604
Des war dann glaub i da Herrscher unter die Kamele.
P9143599 P9143601P9143617 
Oana vo seine 2 Hügel is scho schief oche gehängt, des ham ma etz a nu nie gsehn, dass des geht.
P9143607 
Des warn dan glaub i de Mädls vo eam.
P9143614  
Mei de Koalabären warn a voi liab, da braucht jeder vo denan an eigenen Bam, wo er an ganzen Tag obn hängt.
P9143621
Des warn de Girls….
P9143622 P9143623 P9143624
Natürlich getrennt von den Boys. 🙂
P9143626 P9143628 P9143629 P9143630P9133450
So lustig die Koalas… Schlafen 70% va ihrem Leben und in jeder Stellung! Erinnern mi a bissi an Joe! 😉
P9143635
De Giraffen warn a voi nett, voi de nette Familie mit an kloan Baby.
P9143637 P9143636P9143633
Des war as Kind, hat Penelope ghoaßn, vo süß.
P9143638
Des war da stolze Papa von ihr, unten sehts “Details” vo eam. 🙂
P9143641 P9143642 P9143646
Des Kängoooo hat ausgschaut, als wies bissi auf Drogen war, de Augen nit aufkriegt und logga daglegen.
P9143647  P9143659 P9143660
Zum Abschluss ham ma gsagt, miassn ma nu oa Tier vom Zoo befreien und mitnehman.
Nach langen Überlegen ham ma beschlossen, dass ma an Löwe entführen, an Diego, er ist fis negste halbe Jahr unser Aufpasser und Glücksbringer.
Hier nun Fotos vom DIEGO:
P9173867  P9173869 P9173868P9173866
P9143657
Danach san ma nu zum Subway und dann heim ins Hotel.
Es war echt a toller Tag!! 🙂

21. Tag: Malibu, Santa Monica & Co

P9123329
De Küstenstraße #1 entlang oche fahrn, is echt schea… immer am Meer und Strand entlang… da san a voi vü Campingplätze… und da san Campingwagen gstanden…da hast echt gmoat a Wohnung auf 4 Radl ham de mit!
P9123331 P9123332 P9123333
Mia san dann aufn Highway bissl ins Landesinnere gfahrn, da hat ma dann nimma vü gsehn, dann haben ma beschlossen, mia fahrn wieder aus und an die Küste. 🙂 Des war gar nit so leicht…
Hahaha… mia mit unsern Glück, haben natürlich wieder über de kurvigste und steilste Straße übern Berg auf und ab miassen.
Da herüben machst echt so an guten Magen haben… dass da nit schlecht werd, aber i muss echt sagen, da Joe is gut gfahrn. 🙂
P9123347
Wo dann a Ende der Kurven-Straße hergangen is, san ma genau bei Malibu-Beach ausa keman. 🙂 Amazing… 🙂
P9123348
Der Strand war echt da Wahn, so fein und a sauber, da woit i glei aussteigen und schwimmen gehn. 🙂
I hat schon an Mitch und die C.J. gsucht…aber de Rettungsschwimmer was da umma warn… san da nit zuine kema…
P9123352
Awa vorbei gfetzt is a mal mit so an Baywatch-Car….
P9123353
Da unter der Woche war… war nit vü los am Strand… und de Baywatch-Heisl warn fast alle leer… Immer da wo a paar Leit waren, is hoit oane so gelangweilt in seinem Häusschen gsessen… Aber nix mit dem stylischen Drehen der roten Rettungsboje… Und weibliche Rettungsschwimmer mit de waxen Badeanzüg hab i a koane gsehn… Schad, mia hatten gern bissl a Action kab…
P9123356 
Boa as Wasser war echt sehr erfrischend…
awa i bi einegangen… bissl Wellen reiten, de war ganz funny… aber da mia e scho vakialt san, woas i nit obs a gute Idee war…
P9123357
Aber oamoi woit i scho an Pazifik einehupfn… 🙂 z’weit eine hu i a nit gehn kenan, weil mei Rettungsschwimmer Joe, zwar am Strand war, aber der war nit fit gnuag gwen zum Hasen retten, deswegn war er so vernünftig und is gar nit eine gangen und hat a Runde am Strand gepfiffn… 😉 Ma muaß echt sagen, in Malibu könnte man es schon aushalten! 🙂 Da Joe will eh scho die ganze Zeit nach USA auswandern… 😉 Es waren nebenbei echt nu a paar sehr, sehr, sehr leicht bekleidete Frauen am Strand… eigentlich waren’s scho nackt, aber a paar so Fäden senn hoit nu ummagangen… 🙂 Ku Man(n) sich scho unschaugn… 😉 [Joe]
P9123360

Dann is weitergangen..de Küste oche… da is oa bekannter Strand nachn andern kommen…  und da machen de Amis as Gschäft, da warn Parkanlagen… und überrall hast 15$ oder mehr zoit… naja mia san paar moi durchgfahrn und ham immer gsagt… we are wrong… hihi… so hams uns durchlassen und mia sann dann wieda beim Exit okaut…
P9123368
De Amis ham echt an Fahnen-Wahn, auf jeden Haus, Auto, Dach hängt so a Fahne und i woas nit was se da oben mit den 100.000 Fahnen vorkab haben… da is sogar so a Teil gstanden… dass immer da Wind geht und de Fahnen sich bewegen…
P9133377
Des war dann Santa Monica… Beach, der war mega breit der Strand… i woas nit, wer da hinten nu liegt…
P9133379
Danach ham ma uns aufn Weg nach San Diego gmacht….und da is da Verkehr dann so richtig am Rollen gwen….oder besser gsagt am Stehen….da bin dann i (Vroni) moi gfahrn….und des ist echt moi a Umstellung wenn a 8-spurigen Autobahn hast…da magst schaun, dass nit ugfahrn, ugehupt oder ugschrian weast. 🙂 Links und Rechts überhoins… 🙂
P9133383 
Ja des hat uns dann a bissl a Zeit weggnuma, awa mia ham ja Gott sei Dank fast nie an Stress auf unser Weltroas…
P9133385
Am Longbeach und Manhatten Beach ham ma dann a nu an kurzen Stopp gmacht und dann is wieder weitergangen.
P9133389
Um 8e abends san ma dann gut in San Diego ukeman und ham wieder moi a scheas Motel dawuschen und uns wohl gfühlt…
Nach an kurzen Abstecher in a Family Restaurant, was eig. a Trucker-Bude is (Des war so ca. wia am Anfang va “Zwei Bärenstarke Typen” de Bude, wo du Bud so viele Hamburger ist!) san ma dann fertig in unsere 2 King-Size Betten gflogen und warn weg. 🙂

20. Tag: Ruhetag in Carpinteria

An dem Morgen schien de Sun nu nit so recht und ins is a gar nit so gut gangen, san bissl beim Kränkeln, weil ma glaub i de Klimaanlage einfach nit heben. (I (Joe) hab ma ois außagehustet, was ma außahusten ku… I sag eich nid wia des Zeig ausgschaut hat… Alle Farben… 😉 ) Aber Gottseidank hab i so a guate Krankenschwester mit, de mi glei volle gepflegt hat… Hihi… :)) Und amoi an Tag fernsehen is ja a nid schlecht… Weil in USA da laufen an ganzen Tag die geilsten Filme, echt an ganzen Tag… Jetz woaß i wieso die Amis so viel fernsehen… 🙂 ) [Joe]
Jedenfalls…
I moan i verstehs echt in Las Vegas, wo’s außn 40° Grad hat, wenns dann de Gasthäuser und alle Räume auf woas nit 15° Grad ocha kiahln, aber sonst is echt a Wahn, da moast du gehst in an Kiahlschrank…egal wo, Supermarkt, Museum, Restaurants, Bus,…
Ja jedenfois wars mal gleich an feinen Tag im Motel machen und nix tun, mia ham uns an Arnie Film (Da Arnie wead in USA nimma synchronisiert… Sooo geil, des glabsch nid… Des klingt so lustig, des Steiraenglisch… 😉 Da wead da Actionfilm glei zu a Kömödie! 🙂 )  ….und so andere “Action”-Filme nach da Reih einezogen und daneben bissl gschlafen.
P9123323 P9123325
Ja vü bessa is uns dann nu nit gangen, dann ham mas nu mit frischer Luft probiert, ham uns um 5 doch nu aufgrafft. 🙂
Außen war dann doch scho schea Wetter, aber fi de Jahreszeit wars gar nit so heiß, hat ein Ami erzählt.
P9123291 P9123299 P9123289 
….san an Strand gfahrn, san bissl ummagmantelt, aber des war uns dann a fast bissl zu hart und kalt war uns a,……
P9123294 
I habs dann mit Bewegung probiert….awa war a nit vü bessa….
P9123301P9123300 P9123306 P9123309  P9123312 P9123317
…..dass ma gsagt haben, gehn ma gscheida was gutes essen…
Mia ham vorm Internet a Empfehlung kab….Clementines Steakhouse…des woit ma uns natürlich uschaugn…und san da glei moi zuine bogen.
IMG_2587 IMG_2589 IMG_2590 IMG_2591
Des Restaurant war echt ganz eigen, kitschig eingerichtet, dass es gar nimma glauben kannst, so vü Kitsch auf oan Haufen, aber i glaub de Eigentümer san oite Sammler und mechtn des herzeigen. 🙂
Aber es war a guter Tipp, mia ham sooooo an guten und frischen Salat kriegt, dass ma schon happy warn!! 🙂 (Da beste Salat in USA)
Hauptspeise war a Steak mit Ofenkartoffel und aus Nachspeise hats so was pick siaßes geben, oa riesen Haufen mit Erdbeeren, des war dabei beim 3 Gänge-Menü. I hab ma zerst denkt, ja leckaaa…maybe is des so a gutes Mouse wie bei Joe’s Schwester daheim, aber da is da ois zamm klebt.,,,,,um freundlich zu bleibn, ham mas uns in a Box einpacken lassen und san hoam gfahrn…
IMG_2592
Dann san ma glei schlafen, weil ma für San Diego unbedingt fit sein woitn und nit gscheid krank wean woin. :/
A paar Tabletten und geht dahi! 🙂

19. Tag: Santa Barbara & Carpinteria

P9103242
Nach an guaten Frühstück ham ma uns ins Auto ghockt und san oafoch moi in Richtung Santa Barbara los gfahrn.
P9103246
An der Küste entlang, ham ma scheane Häuser und Strände gsehn….bei oan san ma dann glei obogen …
P9113247
….und ham uns gmiatlich an Sand gflaggt und einfach mal nix tu 🙂
Da Joe is dann a Runde an Strand entlang glaufn und i hab amoi die feine Sonne genoßen und a Runde gschlafen! 🙂
P9113251 P9113255 P9113264
An spadan NM san ma dann in a Pizzeria (de Pizza war echt guat, aber wieda amoi Kunststoffbesteck und komische Teller – koa Essenskultur die Amis… 😉 ) essen gfahn und danach zum Verdauen an Strand gfahrn.
Da ham ma ziemlich an schean Sonnenuntergang erlebt,
aber da mia scho bissi ugschlagen warn…war uns dann glei zkalt, weils Meer ziemlich freshi war, dann san ma zrug ins Hotel gfetzt.
P9113262  P9113266 P9113269 P9113270
De Amis san echt freundlich und alle reden die glei an, weil mia  glaub i scho bissl als Touris ummakemman… 🙂
Da hat uns a älterer Pensionist( va dem die Vorfahren aus Linz waren) ugsprochen und probiert a Jump Foto vo uns 2 zmachen, ausakeman is des:
P9113273
Er hat gmoant…er hats super aufekriegt…daheim ham ma dann gsehn ,wie super ers aufekriegt hat….funny… 🙂 Schaug irgendwia aus wia wenn ma boade “Gaggn” warn…. 🙂 Hihihi…
P9113275P9113280
Nach a bissl Bewegung vorm Einschlafen san ma dann heim düst.
P9113281
Good night! 🙂

18. Tag: Zrug an den Pazifik

Nach einer wirklichen waxen Nocht in dem zachen Motel waren ma echt froh, wo die Nacht um war und mia zamm packen ham kenan und nu mit ois dru auschecken ham kenan. 🙂
Um 10 Uhr ham ma uns dann nu Kaffee und an Tee beim Starbucks koit und san an Strand gfahrn frühstücken.
Dann is los gangen, die lange Fahrt wieder zurück an den Pazifik zum Städtchen Carpinteria, gleich neben Santa Barbara.P9103243
Nach über 6 Stunden Fahrt san ma gut an da Küste ukeman und as Hotel war nett, schea und sauber!!

Zu unserm Auto miass ma moi sagen, mia san echt voi zufrieden, was ma mit dem Toyota scho ois mitgmacht haben bzw. er mit uns mitgmacht hat, echt nit schlecht. Corolla hoit! 🙂
Mia ham des Auto bei billiger-mietwagen.de gebucht und mia hams ohne Navi ausglichen(des hätt 300 Dolla mehr gekostet), weil da Joe da so a Navi App (Skobbler) fis Handy ocha gladen hat, mit dem ham ma an Anfang a paar Probleme kab, dann hats da Joe a paar moi bissl ugschrian, awa etz gehts super! 🙂 Und mia senn volle z’frieden.

Am Abnd san ma schnell numoi in an Fast-Food Laden eine und haben was gessen und dann warn ma froh ums feine Bett!

Tipp von Joe: Navi Skobbler runterladen (Kosten: 1.99€ für die App und dann kann man noch alle Karten der Welt um 10€ runterladen.) Bin ma aber nid sicher ob’s bei Android a geht?? 🙂

17. Tag: Lake Havasu und City

P9083160 Wir hatten schon bessere Nächte wie diese, aber nach einem Kaffee und Tee am Morgen machten wir uns auf und erkundigten die Stadt Lake Havasu City und den See. 🙂 Zuerst fuhren wir mit dem Auto zur alten London Bridge, die ein Mann, namens Robert MCColloch ,vor ca. 30 Jahr in London um 2.460.000$ ersteigert hatte und dann Stein für Stein wieder in der Wüste aufbauen hat lassen. De Stadt is überhaupt ganz schea cool… Jedenfalls waren da überall so Steine verstreut, wo die ganze Geschichte beschrieben war… Und zwar: Da Bob MCColloch (amerikanischer selfmade Millionär – Hat anscheinend super Motorsägen gebaut und war irgendwia war a im Ölgeschäft) is irgendwann in des Außenbordergeschäft (Des senn Motoren für so kleiner Schiffe) eingstiegn. Irgendwann is er dann amoi beim Lake Havasu (a Stausee vom Colorado River) vorbei kemma und hat sich dacht, des war der perfekte Ort um seine neuen Motoren zu testen. Irgendwia hat’s ihm dann da volle guat gfalln und Geld hat a genügend ghabt, dann hat sich der Typ gedacht, er gründet doch oafach eine neue Stadt – “Lake Havazu City” Wax oda?? Des nenn i amoi an “AMERICAN DREAM”… Da bausch oafach amoi schnell a neie Stadt hi… Er hat sich dann den Architekten C. Wood dazuaghoit (der Disney Land gebaut hat) und hat mit ihm eben die neie Stadt geplant. De zwoa senn dann durch die Planerei dicke Freunde wuan und nach a paar Jahr (da hat da McCalloch scho ganz lang gratis mit seine Privatjets Leit aus ganz Amerika einfliegen lassen um seine tolle Stadt zu besichtigen um sich dann evt, in Lake Havasu City nieder zu lassen). Dann hat er zum Wood gsagt, sie brauchen irgendeine Attraktion, dass die Leute nach Havasu City lockt. Zufällig hat London grad die London Bridge verkauft, weil die Brücke jedes Jahr a bissl mehr in da Themse versunkn is, dann hat da MCColloch gsagt, des Teil kauft er um billige 2.000.000$ für sein Städtchen. Sei Architekt hat dann gsagt, des is viel zu teuer für oan, er bedeiligt sich zur Hälfte ba die Kosten und er legt nu 60.000$ drauf dann bekommens die Brigde ganz sicher. Mia kaufen ins a Radl, der kauft sich die London Bridge!! 😉 A wahn echt!! 🙂 Jedenfalls steht jetz seit die 80er Jahr die alte London Bridge in Lake Havasu City… Und as waxe is, da wo sie jetz steht, da war früher nu nid amoi Wasser, da auf die Fotos hat ma gsehen, dass de die Bruggn komplett im Trockenen gebaut haben… An Kanal habens dann erst später durchgebaut…. A wahn echt! 🙂 So geil der Typ! 🙂 P9083161 P9083163Mia san dann de Brugen lang spaziert und mia woitn uns zuerst a Speed Boat ausleihen( in USA bzw. da in Lake Havasu City brauchsch a für Boote koan Schein, da ku ma sich oafach so a waxes Boat ausleihen und fahren!), aber as Reisebudget hat des leida nit zulassen, deswegen ham ma uns entschieden, an Jetski auszuleihen. 🙂 P9083164.jpg Zerst ham ma moi de Angebote an der Seeprominade gecheckt, wo es wievü kost und so….san ois ogangen, dann ham ma e dringend a Abkühlung braucht! 🙂P9093168 Ja und 20 Unterschriften, kurzen Einführung und 20 Minuten später san ma schon auf unseren Jetski oben gsitzt und ham Gas geben. 🙂 P9093165_thumb.jpg
Des Teil is gscheid gangen, da san ma dann mit ca. 80km/h durch den See gfetzt und es war lei mehr geil. P9093172.jpg Da auf dem See immer was los is….wars a cool de Wellen von de oan Boote auszunutzen und voi drüber fetzen. 🙂 P9093173 P9093176 Da ham ma echt a Mortz a Gaudi kab und san wie zwoa Kinder aufn See umagfetzt. 🙂 🙂 P9093183 Da See is 72 km long und hot a Fläche vo 67km². Des sieht ma so vom Ufer gar nit, wie groß eigentlich der See is, aber mia san den See dann oamoi komplett ausgfahrn und es  war echt super schea, immer wieder is was daher kommen, dann warn wieder a paar Villen am Ufer oder Anlegeplätze, wo ma Grillen hat kenan. P9093188 Anscheinend is der See voi as Wassersportparadies. 🙂 Hier der Beweis…. P9093173.jpgMia ham uns den Jetski für 2 Stunden ausglichen und da san ma glaub i scho a paar km dafahrn, auftanken hatten ma dann a nu miassn, aber des is wieder moi mit meiner Kreditkarte nit gangen. Der Copper Canyon is a ganz a bekannter Punkt am See, des san so Klippen, da kommt ma nur mit Schiffe hin, wo ma gscheid Klippen jumpen tuat….. 🙂    Da ham ma natürlich hin miassen, wie ma oben schwer sehn kann, hat sich da Joe da glei voi ocha kaut, aber nit normal hupfen, er hat nu rückwärts und mit Drehung sich da ocha haun miassn. P9093216 I (Vroni) woit des dann a unbedingt tun, aber dann haben ma leider koa Zeit(mia hätten nu genug Zeit ghabt…[Joe] 😉 ) mehr kab, weil de 2 Stunden scho boid auswarn. :/  P9093220 P9093221 P9093222 P9093223 P9093224
Da sieht ma dann nu an zweiten Jump vom Joesn. 🙂    Da hams gschaut die Amis….”great jump and crazy guy” hams gmoat….danach ham ma bissl Gas gebn miassn, dass ma zrug keman ans Ufer.  Nach der Action ham ma unseren Jetski wieder zrug geben und ham uns nu fein ans Ufer kockt und as scheane Wetter genoßen.
P9093227
P9093231P9093234Auf Heimweg vom Strand ham ma uns nu a Pizza to go koit und san in unsere “schöne” Unterkunft gfahrn und as Dinner genoßen. Gut wars…. 🙂
P9093241
Fazit:
Motel 🙁 nicht empfehlenswert 🙁
See 🙂 sehr empfehlenswert 🙂
Tipp von Vroni: sicha is sicha! 🙂 Stuhl oder Tisch bei der Tür einspreizn!
IMG_2583