Im Pahrump haben wir mal ausgeschlafen, uns von der Action vom Vortag erholt und sind dann um 11 Uhr in Richtung Las Vegas los.
Auch vor Las Vegas ist die Umgebung sehr schön….fast keine Zivilisation, aber vereinzelt konnte man nette Häuschen entdecken.
Die Ampeln waren auch etwas anders als bei uns, ein fettes Rohr und daran waren alle Ampeln befestigt.
Da da Joe ja unbedingt so typisch amerikanisch sein wollte und in Nevada das Schießen gleich zum Alltag ghört wia essen, habn ma zu oane va die geschätzten 1000 “Gun Ranges” an kurzen Abstecher machen müssen. Da is er wieder zum kleinen Kind wuan und woit unbedingt amoi schiaßn…
I war a bissl skeptisch, aber mia san dann zuine bogen und haben mal nachgfragt, wie des so lafen würde….
Ja des war gar ganz unkompliziert (koan Ausweis, garnix hat ma da braucht… Außa a Kreditkartn), der Angestellte hat gfragt, megst schießen, da Joe drauf JAJAJA und dann ja mit welchen Guns und scho san ma drein gstanden, schießen woit i nit, i war de Fotografin.
Da schiaß i grad mit a M16… zwoa volle Magazine (60 Schuss)…
Ganz schea wax, mit der Puffn ku echt jedes Kind ballern… (Joe)
Er hat sich 2 Teile ausgsucht und nach der Erklärung von dem netten Herrn (des war so da typische Ami –> Vollbart, Bauch und a Puffn) is schon los gangen….da kloane Fanat hat ja e scho alle kennt vo de Computerspiele… Und da lacht a da Joe gä… 😉
Er war dann e nit moi schlecht und hat gut troffen….
De Hülsen san durch die Gegend gflogen…..ganz schea hoaß de Teile….
Er woits unbedingt moi ausprobieren und es war e voi leicht hat er gmeint und zu schnell vorbei…
Da dann mit oana Beretta M92 FS… A zwoa Magazine zu je 15 Schuss… Echt zach wia oafach des is. Aber i vasteh die Amis, des war echt scho volle cool… Nebn mia warn nu zwoa so Diandla, de auf a Zielscheibn gschossn habn, wo so a Mann drauf war, der grad a Kind festghaltn hat… So wax de warn volle kloa, da warn die Puffn fast größa wia die Mädls… God bless America… 😉
Er war a guada Polizist, weil treffen kannt a. 🙂
Mia war des zwax da drein und mia war voi zkalt, weil de Typen jeden Raum so wax ocha kühlen, dass da echt imma de Ganselhaut aufstellt, da Herr hat gmeint, a James-Bond-Hasen-Foto miassatn ma scho machen. 🙂
So des war mal a Ausfligal der etwas anderen Art….
Danach san ma in die Stadt Las Vegas eine gfahrn….
A Wahn der Verkehr, da über LasVegas Boulevard ham ma echt fast a Stunde braucht, bis ma da durch waren, genügend Zeit um coole Fotos zu knipsen.
Da stehn echt sehr coole Bauten, really crazy und de Details was da teilweise einbaut werden, wirklich Hammer.
Am Ende der Straße konnte man dann schon unser Hotel erblicken, es war der Stratosphere Tower, wo oben a Vergnügungspark is.
Wow des Hotel ist mega groß, und ma muas echt mitten durchs Casino mit Gepäck und Co. Des Casino war riesig und um 3 NM waren da alle Maschinen voi besetzt und es war vü los.
Naja mia ham moi eincheckt, san aufs Zimma, ham a Mittagsschlafal gmacht…….
Da Joe hat nu a neus Patent entwickelt, wie ma Bier kühlt, wenn ma koan Kühlschrank hat, se san wirklich koit worden. Mit Kabelbinda geht fast ois… 😉
Abends san ma auf de Suche nach was Essbaren gangen, aber des war gar nit so leicht….
Da gibs nit oafoch moi a Restaurant an der Straße, na ois is beim Hotel dabei und ois bling bling und Wahn.
Mia ham so lang gsucht, bis ma irgendwas gfunden haben, dann warn ma decht in an Hotel und ham da gessen. Des war soooo vü, dass ma danach gmoat ham, mia miassn uns …… und niederlegen.
So sicher ham ma uns etz a nit gfühlt auf de Straßen, deswegen warn ma froh wo ma wieder im Hotel warn.