8. Tag: Yosemite National Park

Y NP 
Um 8 Uhr starteten wir in Richtung Yosemite National Park.
Der Eintritt pro Auto beträgt 20$, aber zahlt sich echt aus!!! 🙂 Leider steht zurzeit ein Teil des Park in Flammen und die Straße durch den Park ist gesperrt. Das haben wir leider zu spät erfahren… 🙂
P8302207 P8302209
Man fährt durch ein langes Tal und über den kleinen Ort El Portal, wo wir uns noch ein Frühstück gönnten, zum Park.
Schon der Eingang schaut genial aus.P8302210
Zuerst fuhren wir ins Valley, blieben so richtig touri-mäßig an allen Sightseeing Punkten stehen und wanderten nach Müllers-Lust… 😉
P8302214 
Unser erstes Ziel waren die Brightl, Keithl, Feightl, Scheitl – Keine Ahnung irgendwas Falls, a paar voi nette Wege durch den Wald und auf einmal is ma unter einem Wasserfall gstandn.P8302221 P8302227
Er hat zwar im Sommer nit sovü Wasser, aber da warn super coole Steine und Felsen, wo ma cool umakraxeln hat kenan. Eigentlich war kraxln verboten, aber da Joe woit natürlich mehr sehn wia da Standard-Touri und is oafoch dahin gwen… 🙂
P8302231 P8302245
Da ham ma uns dann a Zeitl aufkoitn und san umagstiegn, wia a Stoabock, aufpassen hat ma voi müssen, weil de Steine warn alle so rutschig, aber echte Tiroler kugeln ja nit o! 🙂
P8302250 P8302254 P8302266
So nett, da Joe hat dann ganz obn untern Wasserfall bei de Felsen mitn Stein a Herzal aufzeichnet und in 20 Jahr keman ma wieder und schaun obs nu da is…. 🙂P8302257 
War a supa Platz da oben und as coole war, da warn sust koane Touris, weil sich neamb traut hat, so weit aufesteigen, weil überall DANGER gstanden is…. 🙂
P8302261 P8302258
Dann san ma weiter eine gfahrn, wo dann a Museum, a Theater, Gasthäuser, Touri Info und Co waren. Des war wie a kloans Dorf und mitten drin is auf oamoi a Hirsch gstanden, mia ham zerst gmoant der is aus PVC, aber wie er dann fis Foto voi posiern ugfanga hat, habn ma checkt der is echt und steht auf Leit…
Jaja, die zwoa Hirschen! 🙂
P8302270P8302271 
Das Museum war a sehr interessant, wieder moi ohne Eintritt, da hat ma gsehn ,wie die Ureinwohner glebt haben. Und mitten im Museum is oans va die ersten Indian Motorräder gstanden… Und ganz, ganz viel Geschichte va die Indianer, de da glebt haben un vom weißen Mann vertrieben worden sen… Und wia dann hoit da Park geschützt worden is, usw., usw., usw….
P8302274 P8302279
Des war so a Hauptaussichtspunkt, da san de Touris witzelweis gstanden und daher kemma.
P8302284
Der Truck is so durchn Park cruist und vorne in der Kabine zwischen Truck und Hänger is da Ranger ghockt und hat erklärt.P8302287
Nachdem wir a bissl a Pech kab habn und wegen die großen Waldbrände im Westen des Parks, die Tioga Road quer durchn Park gesperrt war, deswegen ham ma an mega Umweg fahrn miassn, um de fetten Gebirgsketten zu umfahrn. 🙂

Deshalb haben ma beschlossen, dass ma nu ans Ende vom Park oche fahrn, wo de großen Mammutbäume wachsen, und dann von unten die mega Umfahrung starten.
MARIPOSA GROVE:
P8312293
Da hasts nima glaubt, wie klein eigentlich so a Mensch gegenüber so an Mammutbaum sein ku. Des hätt eich gfallen Jakob und Ernst, da wärts die nächsten 100 Jahr mit Arbeit aufghoben gwesn…
A bissl a größere Motorsäge brauchat ma da dann hoit…. 😉
P8312296 
Es war echt mega heiß da im Wald, aber oan so an Trial entlang, san ma dann decht gwandert.
P8312299 P8312302 P8312303
Da Joe woit amoi zoagn, dass er so an Baum leicht umarmen könnte, des Schwammerl… 🙂
P8312305 
Da muss in de letzten Jahr a scho moi brennt haben, weil einige Bam voi schwarz waren und aber doch nu gstandn san und es scheinbar überlebt haben.
P8312309 P8312306P8312313 
Der Baum unter der den Giantbäumen is der Grizzly Giant….da san ma moi wie Narrische durch de Gegend kupft und ham de Leit unterhalten. 🙂
P8312327 P8312329
Der Bam war echt fett und war scho abgezäunt, weil der glaub i, am Tag 500mal fotografiert werd.
Und unter dem Baum is der Typ gstanden, der veranlasst hat, dass des ganze Gebiet unter Naturschutz gstellt wead und die Bäume nimma abghoizt wean dürfen.
–>De Hupferei kimmt va da Vroni, weil sie moant, wenn i nid hupf schaug des bissl fad aus und da muaß Action sei ba die Fotos…
P8312334 P8312337 P8312325
Der Gigant… 🙂
P8312339
Danach ging der Abenteuertrip Nr.1 los, da wir den Umweg rund um das ganze Gebirgsgebiet nehmen mussten, fuhren wir um 5 los.
Wir fuhren über zig Pässe mit gefühlten 1.000.000 Kurven, 1000 Steigungen und auch bis zu 30% Gefälle und Hügel auf und ab. So a Straße gibs ba uns nit, de Kurve warn a nu schief, also des war da Wahn zum Fahrn, aber da Joe is schon gscheid durch pfiffen. 🙂P8312342
Zerst is nu gut gangen, weils hell war, aber da hast echt a guats Magä braucht, dass de Straßen keb hast.
P8312346
Da san ma dann nit weit von de Waldbrände im Yosemite NP weg gwen, aufoanmal warn ois Rachwolkn oben und es hat voi verbrennt grochen.P8312349
So wax de Brände und laut Wetterbericht werds nit besser.
P8312350
De Feuerwehrmänner “Firefighthers” san da herüben ja voi de Helden, überall hängen Transparente mit Thank You Firefighters! Und de kriagn überall ois gratis.

Nachdem ma den Bereich passiert haben, is weiter gangen über Senora Pass, der war wax, da is auf und ab gangen, hin und her gangen, da hast di nima auskennt. As zache war, das es dunkel worden is, etz hat ma nix gsehn. Etz haben sich alle a bissl ugschissen, weils echt zach zum Fahren waren, teilweise is auf 10000 feet aufegangen und dann wieder voi gas kurvig oche. War lustig zum Zuschaun, niemand woit vorfahrn, dann san de Autos immer nacheinander bei de Turn-Outs olle ausebogen, dass da andere wieder vor ahrt. Da Joe hats a mal probiert (nid vorfahren) aber schlussendlich is er dann doch immer vorgfahrn, echt a Wahn, da Tiroler muss de Amis herüben vorfahrn, weil sich sonst keiner traut….naja eam wars dann a ganz schea zwax und er hat gsagt er muss sich so konzentrieren, weil da is echt links und rechts grad oche gangen.

Naja wir hams dann gschafft und san dann ins Flache keman, dann is da nexte Stress los gangen, weil es war genau 21 Uhr und mia ham nu nach Lake Mammoth miassen, und bei unsan Hotel bis 22 Uhr einchecken.
Laut Navi warn ma genau um 10 in dem Städtchen ukeman. Des hat geheißen, a “bissl” schneller wie vorgeschrieben fetzen.
Da Joe hat an great Job gmacht (er is dann hoit nid 65M/h sondern 85 gfahren), so san ma genau um 21.55 beim Hotel ukeman. Da mia seit in da Früh nix mehr zum Essen kriegt haben, san ma nu beim McDonalds auf an Burger einkehrt  und dann voi gar ins Bett kugelt san.
Eija davor is ma nu da Schnaps im Rucksack ausgrunan, etz hab i  de Sachen waschen a nu miassn, guats Gschmachal. 🙂
Danach haben ma soooo gut gschlafen, wie nu nie!!

Over and Out… Bis Morgen… Death Valley… 🙂