36. Tag: Adios Puno, Hola Arequipa

Des Hostel Emanuelita Casa in Puno is echt super gwen, mia ham a Nacht verlängert, weils uns so gut gfallen hat und de Leute warn total nett und a supa Frühstück war a dabei. 🙂
Am Freitag war wieder Abreisetag, von Puno is weitergangen nach Arequipa. Nach an guten Frühstück ham ma in da Lobby nu bissl relaxt, dann Mittag numoi in da City gut Essen gangen. 🙂
IMG_1866IMG_1867
Des hat gut ausgschaut und war ma aber leicht z’vü, dass i nima kenan hab, wer isstn des allein?!?
Und mia Gscheiden ham davor a nu a große Teller Tomatensuppe bestellt, da Joe hat wieder a Lama verspeistt. 🙂
Um 3 san ma dann mitn Taxi zum Busterminal düst, habn da a Ticket kauft, für de Busfahrt von Puno noch Ariquipa, 6 Std. Fahrt um 15€.

Der Bus war voi super, da ham ma moi nit gspart und san mit an guten und vor allem sicheren Busunternehmen gfahrn. 🙂IMG_1860
In dem Bus war a wieder a Hostess, da ham ma was zum Trinken und Essen kriegt, spanische Filme hat ma uschaun kenan und war recht gmiachtlich.
IMG_1869IMG_1868
Um 9e gschnachts san ma dann in Arequipa ukeman, mitn Taxi ins Hostel gfahrn, a Wahn a Taxi kostet da echt nix, da kanntn sich de vo daheim mal was abschaun. A Fahrt a 12min. und zahlst zu zweit 8 Soles, des san ca. 2 Euro. Echt super billig!! 🙂

Das Hostel ist super, da hatten wir wieder mal Glück und keine Spuren von Schimmel oder sonst was. 🙂
Echt gemütlich, mit Bar und coolem Balkon über der Stadt! 🙂
Guat Nacht Beinand! 😉

Veröffentlicht unter Puno

35. Tag: Puno/Titicacasee

An unserem zweiten Tag in Puno woit ma unbedingt de Schilfinseln(Insel Uros) besuchen. Zerst ham ma uns amoi an Hauptplatz ugschaut, der war wieder tiptop beinond und in da Fußgängerzone is voi a Zuagang mit Musik gwen. So toll wie de tanzen und Musik spün san. 🙂
IMG_2670 IMG_2671
P9264427 
Da waren scho wieda a Umzug mit so Gruppen, de voi tanzt haben und jede hat a Musikkapelle dabei kab. Es war unter da Woche, Donnerstag, also keine Ahnung was de immer feiern.
Aber se feiern… 🙂
P9264420 P9264422   I glaub irgendwas war da a mit Fasching oder so, de waren echt alle voi bunt und cool anzogen und san voi abgangen. Sowas war bei uns a mal cool, wenn alle logga tanzen und singen. 🙂
Foto 1 Foto 2
Danach san ma dann mit den lustigen Motorradl Taxi zum Hafen gfahrn, des war a Gefährt, sehr wackelige Gschicht.
Foto 3
Da ham ma nit genau gwusst, ob mia da scho ukeman, aber hot ois gut passt und war voi billig. 🙂 1.10€ für zwoa Personen und ca. 15 Minuten Fahrt.
P9264428P9264430
Am Hafen ham ma uns dann bissl umgschaut, da hast Tretboot fahrn kennan. Da is Zeug im See gschwumman, des grüne was ma da sieht, des is so a Moos und Seezeug-schicht zwischen de Boote.
P9264432
Da Müll liegt dann drauf, schaut zach aus, wie a Rasen irgendwie.
P9264434
Am Hafen unten san ois Leite gstanden und woitn da natürlich a Tour nach Uros udrahn! 🙂 Wir haben uns dann selber um a Boot gschaut, des war, aber eher eines der älteren Generation. Eine Dosen, a Wahn! 🙂 Hat mi so a bissl an des Boot von Rambo II erinnert. Hat a echt gleich klungen! 😉
P9264436 P9264438
Da durch de 2 Boote ham mia ause miassen, war a enge Geschichte, hat ca. 5 Min. dauert und mit a paar moi bei andere Boote ufahrn hats dann scho klappt. 🙂
IMG_2674
Da hat da Bootsmann verzweifelt versucht den alten Dieselmotor z’starten. A halbe Stunde später senn ma dann losgedüst! 😉
IMG_2677
Da Joe würde ja so gern spanisch können, etz probiert er immer bei jeder Gelegenheit spanisch zu sprechen, er hat sein kloan Schwindelzettel und sei Handy dabei. Des is voi nett weil dann heast wieder 1 Minute nix, dann schaut a was nach und dann redet er auf einmal spanisch, so auch mitn Kapitän, der glaub i nit checkt hat, dass er gar koa spanisch spricht. 🙂
IMG_2683
Nach der tollen Bootsfahrt senn ma dann auf der berühmten Insel Uros glandet. Des war wieder amoi unglaublich, wia de Leit da de Inseln selber bauen und dann da oben Leben. IMG_2690
De Frau unten hat uns auf spanisch erklärt wia des ganze funktioniert und wieso sie da scho so lange leben. War echt hoch interessant, leider habn ma nid viel verstanden. Außer, dass de spitzigen Häuser (habn ausgschaut wia Indianer Tipis) die alten waren und de mit dem normalen Dach die Neien! Und sie hat halt gezeigt, wia die Inseln gebaut und angebunden werden und wieso sie schwimmen. Danach senn a paar Frauen aus ihre Häuser außa keman und haben alle Touris (wir waren eh lei ca. 15) in kloane Gruppen mit in ihre Häuser gnommen. Echt komfortable so a Häuschen. (Mit Fernseher –> Photovoltaik, usw…)
 IMG_2694IMG_2705
Da haben ma uns dann aufs Bett sitzen müssen und dann is losgangen. De Braut hat oa Teil nachm anderen irgendwia ausn Boden außazogen und woit ins echt ois verkaufen. I glab wenn ma genug Geld ghabt hätten, hätt ma as ganze Haus kaufen kenna! 😉
Des war echt wax, wia ba die Verkaufsfernsehsendungen. De hat gredet und gredet und mia habn nix vastanden! Gott sei Dank war die Vroni mit, weil i woit eh scho wieda was kaufen, weil ma de so load tu hat! De hat so arm gschaut… 🙂 I glab wir waren a die einzigen Touris, die da bis jetz nu nix gekauft haben! Irgendwann senn ma dann geflüchtet! 🙂
IMG_2686 
Dann is aber weitergangen! Mit dem Boot des ma unten links sieht, senn ma dann nu auf an anderen Teil der Insel gfahren! Auf da Fahrt war so a kloana Bua, der hat die ganze Zeit so bescheidene Liader gsungen! Für die Fahrt habn ma dann was zahlen müssen( hat uns vorher natürlich niemand gsagt und für de gewaltigsmäßige Unterhaltung auf dem schindigen Boot wolltens dann a nu a Kohle. A Wahn… Mia habn dann a bissl hin und her tu, aber de Frau de vorher volle liab und nett war und permanent glacht hat, war dann glei nimma so liab und nett! Und so wia i des übersetzt hab, hat sie gsagt, lassts die Kohle umma wachsen es SCH***** Touris, bled uschaugn tuats uns ja a! 😉
IMG_2692  IMG_2699 IMG_2704
Jedenfalls warn ma dann auf der zwoaten Insel, de eh a wieder volle schea war, aber es war uns dann z’wax wia de die Touris abzocken.
 IMG_2707 IMG_2708 IMG_2709
A Wind is gangen, koit wars und mia war des zu zach de Abzocke, gut dass dann unser “sicheres” Boot zuina gfahrn is. 😉
IMG_2711 IMG_2713
Da ma an dem Tag für peruanische Verhältnisse nu zu wenig Action kab habn, is dann zufällig unser Transportmittel das alte BOOT eingangen… na super… Dunkel wars und mia schwimmen aufn See aussen ummanan… lustig!
Der wirklich alte Dieselmotor hat sich echt nimma starten lassen, laut Joe is er immer abgsoffen. 🙁
Naja dann is nu dunkler worden, da Kapitän hat zum 10ten mal versucht, das Boot doch nu irgendwie zu starten, keine Chance.
So san ma dann irgendwie ans Ufer zuine trieben und da war nu a anders Boot, des vü scheaner und neuer war.
Des hat uns dann Gott sei Dank mit ans Land genommen. 🙂
IMG_2714
Vom Hafen ins Zentrum san ma dann wieder mit so an Taxi düst.
IMG_2717 IMG_2720
Auch Abends is In da Fußgängerzone immer noch getanzt, gesungen und musiziert worden. De halten echt lang aus… IMG_2721
Da warn echt coole Gruppen dabei und wie de tanzt haben, da hast am liebsten glei selber mit tu.
IMG_2724 
De Jungs vo der Band habn sich glei gfühlt wie Stars, wo da Joe a gfragt hat ob a Foto vo eana machen ku. 🙂
Aja, Ernstl kennst des coole alte Sousaphon nu?? So oans hasch du doch a amoi ghabt, oda??
IMG_2725 IMG_2727
Auf den Hauptplatz ham ma uns dann nu a gutes Lokal gesucht und fein gessen, vo so am Balkon noch den Umzug beobachtet und den Abend gemütlich ausklingen lassen.

Veröffentlicht unter Puno | Verschlagwortet mit

34. Tag: Bustour nach Puno

Stress am morgen vertreibt Kummer und Sorgen… 🙂
Da ma gestern an Nachtbus nimma gschafft ham, ham ma untan Tag fahrn müssen. 🙁 Voi Stress am Morgen, des war uns nach so an anstrengenden gestrigen Tag z’wax!
Um 5:30 auf, zamm packn, frühstückn, Bustour buchen und mitn Taxi zum Terminal! De Stunde is voi schnell vagangen und um 7.30am san ma scho im Ober-Touri Bus gesitzt! 🙂
tour
Also unsere Namen san a immer a kleine Herausforderung für de Leit in Peru. Flecker klingt ja fast wie Feichtner. 🙂
Und da Joe war scho da Chosep Lastler… 🙂
IMG_1818
P9254367
Des war ganz cool, da ham ma a Hostess kab, de hat de Bar gschmissen und diverse Sehenswürdigkeiten auf da Strecke vo Cusco nach Puno ham ma uns angschaut! 🙂 De ganzen Sachen hat unser Guide (sein Name war GOL) auf an loggan Englisch, des ma teilweise nit verstanden hat, erklärt. 🙂

1. Stopp: A Kirche: AndahuaylillasP9254324
IMG_2663 P9254323
De 2 alten Diandla warn ganz gschiascht, i glaub se woitn a a Geld, wo da Joe a Foto gmacht hat. 🙂
P9254322
Des war die schöne Kirche, mia habn sie uns lei vo aussn ugschaut und nach a halben Stunde is e scho wieder weitergangen.
P9254325 P9254328 P9254329
Es echt interessant, in jeder Stadt bzw. Dorf gibs glaub i oan schean Platz, da kommen de Touris hin, und zehn Meter um den Platz is a nu aufgräumt, awa dann schauts wieda aus, überall Mull und Zeug.
P9254331 P9254335 P9254341
Starbucks auf peruanisch…wäre dann Starwars Coffee 🙂 Irgendwia a ganz lustig! 🙂
P9254338
Da Joesi hat an Schal braucht, oan aus 100% Alpaca – Lama – Wolle. 🙂 Da geht nämlich ganz schea da Wind in Peru!
Beide ham ma uns dann nu an coolen Umhänger kaft, Wahn des Zeug kostet einfach nix da.
(3,78 Sole san 1 Euro) De 2 Ketten haben genau 2 Sole kostet, da originale Schaal(da ´gibt’s so a Marken) hat 10 Soles gekostet!
P9254342

2. Stopp: Raqchi: A Tempel und Incastätte, den hams um 1400 umma gebaut, in da Inca Epoche, vü vom Original steht nimma, ca. Lei mehr 20%, an Rest ham de Leit vom Dorf restauriert.
P9254343
Da hat unser Guide ois erklärt und dann senn ma nu alloa durchgangen, schad dass nimma mehr vom Original steht, aber leider is vü zerstört wuan, u.a. a von Erdbeben und so. Aber es war wieder amoi mega interessant und da Joe hat sich glei nu so a Heftl ausglichen wo ois nu amoi genau beschrieben war. Da war zum Beispiel wieder so a Wasserquelle de die Inkas anglegt haben und durch de heite nu die Dorfleit as Wasser beziehen. Da Joe hat jetz a scho gmoant, weil’s ihn so interessiert, dass er irgendwann die letzte nu nid gfunden Stadt der Inkas suachen geht! 🙂 🙂 Hihi
P9254346 P9254359
Hinterm Joe der Turm war da letzte der im originalen Zustand war!
Des unten warn de mittleren Mauern vom großen Tempel, de Seitenmauern stehn nima.
P9254349
Joe und unsere Reisegruppe. 🙂 So a Touri, echt! 😉
P9254350 P9254358
Des unten warn de belüfteten Lagerräume, da hats ungefähr 200 von denan gebn, wo se Lebensmittel und Co aufbewahrt haben! Aber de 200 waren nid fürs Volk sondern de Lebensmittel waren alle nur für Opfergaben, die Lebensmittel de die Leit braucht haben warn in ihren Häusern glagert! “Die spinnen die Inkas”! 😉
P9254362
Auf dem Platz aussen is a a Kirche gstanden und natürlich a Markt selbstgemachten Sachen gwen, da warn vor allem Keramik Sachen.
P9254347 P9254364 P9254344 P9254363

3. Stopp: Sicuani: Großes Buffet zum Mittagessen 🙂
IMG_2667IMG_2668
De Lamas warn putzig, im Garten und a aufn Teller. 🙂
Klingt a bissl makaber, aber Alpacha schmeckt echt volle guat! 🙂
Da Joe verputzt ca. 1x am Tag oans. 🙂

4. Stopp: La Raya
Des is oana da höchsten Punkte in Peru (wo ma mitn Auto hifahren ku), auf 4335 Meter obn, scheane Berge wie daheim! 🙂 P9254372
P9254379
Wenn ma da aufe gfahrn san, hast echt wunderschöne Landschaften und Berge gsehn, Schafe und Rinder hams a vü, und echt ma sieht nur Frauen auf de Felder, keine Männer.
P9254383
Des war dann a Gletscher. Unser Guide hat uns erklärt, dass durch die globale Erwärmung in Peru die Gletschler leider a davonschmelzen! Er hat gmoant vor 20 Jahr war da nu doppelt so viel Schnee oben!
P9254385  P9254388
Da obn gibs sust echt nix, awa so an Markt mit Handwerkszeig gibs sogar da obn!! 🙂
P9254387
Da bleiben alle Reisebusse stehn und de Leit leben davon, se drehen da echt ois an, da Joe hat überlegt ob a sich nu so an Lama Hut dazu kauft, aber war eam dann doch bissl zu teuer.
P9254392 P9254395 P9254398
Der Zug was eigentlich vo Cusco nach Puno fahrt, wäre voi teuer gwen, der is soooo langsam gfahrn, woas nit was der kab hat.
Nebenbei erwähnt hab i bis jetz nur Dieselloks gsehn! Irgendwia scheint die Oberleitung nu nid bis nach Südamerika durchgedrungen z’sein! 😉
P9254401

5. Stopp: Pukara
Da war Kirche und a Keramikmuseum.
Da san ma nur 15Minutos stehn bliebn und da ham ma uns de Kirche ugschaut! 🙂 Dann is glei weitagangen, weil mia an strikten Zeitplan kab haben. As Lieblingswort vom Goil war VAMOS VAMOS my friend.
P9254409 P9254411  P9254413 P9254412
Des sieht ma zwar schlecht, aber in da Kirchn war grad a Taufe… 🙂
Hab i natürlich glei ois dokumentieren müssen! 😉
Des war da letzte Stopp auf der Busreise, um ca. 5 Uhr san ma dann in da Stadt Puno am Titicacasee ukeman. 🙂P9254415
Ham ins super coole Hostel eincheckt und uns um 8 niederglegt und moi lang gschlafen.
P9254417 P9254418
Bis Morgen! 🙂

33. Tag: Machu Picchu

Um ca. 4.30 Uhr san ma gern aus dem grausigen Bett ghupft. 🙂
IMG_2653
De Fotos miassts eich uschaun, ois Schimmel. huaa 🙁
IMG_2654 IMG_2655
Des minus fünf Sterne Hostel (wir wissen leider den Namen nicht mehr, sonst würden wir die Welt warnen! 🙂 ) war in dem Ort Aquas Calientes, die letzte Station vor Machu Picchu.IMG_2656
Des war desmoi echt fast zu vü, in jeder Ecke wuchert da Schimmel und ois is scho fünf mal übermaln. Wahn! Diese Dusche war genial, da hat sich der Schimmel sogar bewegt! 🙂 Und in dem ganzen Zimmer hat’s so nach Schimmel grochen, da hat man echt nicht schnaufen können. Und i [Joe] hab echt a empfindliches Näschen! 🙂
Wie ku ma des nu vermieten und dafür Geld verlangen bzw. des da Gesundheit vu de Leit zu muten?!? Mia ham mitn ganzen Gwand gschlafen, weil ma uns so graust haben. Bei mir im Bett warn so viele Haare, Schuppen, und Tierchen, sowas hab ich echt noch nie gesehen. 🙂 Ja um 4.45am ham ma dann de brutale Absteign valassen und ham uns Richtung Busstation im Dorf gmacht.
IMG_2658IMG_2657
Links auf dem Bild des war da 9te Inkaherrscher, da Pachacutec!(unter seiner Herrschaft war des Inkareich am größten, fast den ganzen Westen von Südamerika!)
Da in Aquas Calientes schaug’s eigentlich volle schea aus und se habn hoit so wia im ganzen Gebiet um Cuscu (alte Inkahauptstadt) ois cool in Scene gesetzt. De ganzen Statuen schaugn hoit echt volle cool, total muskulös, groß und von da Hautfarbe eher hell aus. Aber wenn ma sich die kloan dunklen Nachfahren va die Inkas anschaut, is des ois eher Show and Shine, wia bei den Griechen und Römer! 😉
In Zentrum warn scho a Haufn Leit und ham voi gwart bis ma aufe darf aufn Machu Picchu!
Des is so wax aufzogen, soooo touristisch, da geht a fette Schotterstraßn aufe, da fetzen de Busse mit einer Geschwindigkeit auf und ab, dasst es nit glabst.
Mia ham a an Bus gnumma (hihi), man kannt a zfuaß einen alten Inkatrail (1000 Stufen grad aufe) aufsteigen, aber nach der Nacht, wo ma geschätzte 4m³ Schimmelluft inhaliert habn, habn ma uns des gespart und an Bus geleistet!  🙂
Endlich obn, stehst amoi a bissl u und wartest, bis dann um 6:15 die Tore zum Machu Picchu geöffnet wean.  🙂
P9244256 P9244258 P9244261
Um halb 7 ham ma dann a zwei stündige Tour mit an Guide ghabt!
P9244263 P9244264
Wia mia gstartet senn, is grad die Sonne aufgangen und des hat sowas va magisch ausgschaut, echt unglaublich faszinierend. Wia so langsam die warmen Sonnenstrahlen durch die kloan Fenster der versteckten Stadt getrungen senn. I (Joe) war echt begeistert und hätt nu drei Tage da oben vabringen kenna! 🙂
P9244265
Und i hab echt noch nie in meinem Leben so etwas beeindruckendes gesehen. Auf dem Berg so a Stadt, mit fließendem Wasser (da habens in der Zeit ein Aquädukt angelegt), die ganzen angelegten Äcker, die Tempel! Und des Alles nur mit Muskelkraft gebaut.
Und die beeindruckende Geschichte dazu. Da war so a Guide, da habn ma dann a nu a bissl zuaghört, der hat dann hoit die Leit aus seiner Führung gfragt, ob se moanan, dass er (und sein Volk – Nachfahren der Inkas) den Tag feiern, wo die Spanier (Pizarro 1532) in Peru glandet senn? De Antwort war nein, er hat gsagt die Spanier haben Tonnen an Gold (des wäre heute unbezahlbar) und nu mehr Silber mitgnommen. Und sei Volk is verfolgt, getötet und so heilige Frauen senn vergewaltigt worden. Zusätzlich haben sie noch die Grippe mitgnommen, durch de dann schlussendlich die letzten Inkas gestorben senn. Der hat des echt mit so viel Emotion erklärt!! Sooo spannend, da brauchsch da koan Film mehr uschaugn! 🙂
P9244266
Der große Gipfel im Hintergrund ist Wayana Pichu, auf dem haben die Inkas (nebenbei erwähnt, es hieß immer nur der Herrscher Inka, d.h. es gab immer nur einen Inka) noch einen Trail rauf gebaut und oben ein paar Häuser und eine Aussichtsplattform. So wie auf den ganzen umliegenden Bergen a! 🙂 Irgendwia war Machu Picchu a Fort, des in der Zeit uneinnehmbar war. Ma ku sich des echt nid vorstellen, wia de des in der Zeit scho alles geplant haben. Da hats ja nu koa I-net und koa Telefon gebn. Deswegen habns die ganzen Trails anglegt, auf denen Läufer (die mit Cocablättern gedopt wurdn um schneller laufen z’kenna) Nachrichten in einer unheimlichen Zeit vom Norden des Reichs in den Süden bringen konnten. Und as waxeste is, Machu Picchu wurde ja erst 1906 zufällig von einem russisch-amerikanischen Archäologen entdeckt. Gebs eich des amoi?? Die Spanier haben des nie gfunden?? Obwohl des Stadt 20.000 Leit gebaut haben, hat anscheinend koana den Spaniern gsagt, dass de existiert. Und des war ja a a Grund ,wieso sie die Stadt da oben gebaut haben, weil sie gsagt haben, wer geht da übern Berg drüber, wenn ma unten am Fluss fünf mal so schnell is?? Und es hoaßt a, dass da letzte Inka, alle Brücken de irgendwia zu Machu Picchu gführt haben abreißen hat lassen, um die Stadt vor den Spaniern geheim zu halten! A Wahn, echt!! Insgesamt lebten ca. 1000 Menschen in der Stadt. Es is echt unglaublich imposant!
P9244272
Dann san a nu a paar Nebelfetzen daher keman, hat natürlich sehr cool ausgschaut und des ganze nu mystischer gmacht.
P9244270
Unser Guide hat uns vü erzählt, dass die Stadt erst ca. im 15.Jahrhundert gebaut habn, dass sie auf 2360 Metern liegt! Er hat uns a erklärt, dass sie damals scho Lagerhäuser ghabt haben, die irgendwie so angeordnet waren, dass da permanent der Wind durchzogen is, damit die Lebensmittel immer frisch bleiben! 🙂
P9244281 P9244269 P9244277P9244276
Was leider bissl an Magie und Faszination nimmt, san einfach de großn Menschenmengen, de da obn ummaspazieren! 2500 Leit am Tag?? Ab 10e geht’s da oben zua, wia aufn Rosenheimer Herbstfest! 🙂
Ja nach an gründlichen Rundgang durchs ganze Inka Gelände hat ma dann nu “free time” ghabt. 🙂
P9244274P9244278P9244273
P9244283
Oben auf dem Bild sieht ma eine der unzähligen “Sonnenspiele” der Inkas, sie haben da mit den Fenstern und der Sonne die Jahreszeiten, Uhrzeit usw. bestimmt. Wenn die Sonnenstrahlen z.B. genau die Mulde ausgfüllt haben, dann war Sonnenwende, oder Sonsch irgend a Änderung im Kalender! 🙂
P9244284 P9244291 P9244292
Des auf dem Foto in da Mitte, war unser Guide, mia warn de gelb-schwarze Gruppe, der war echt lustig. Des Englisch is dann a ganz a eigenes, aber er hat sich voi bemüht und an guten Job gmacht. 🙂
P9244289   P9244286 P9244294 P9244282
Wenn ma der Blume da links zuviel nimmt, dann werd ma crazy hat a gmeint, schea ausschaun tuats moi, ois andere wiss ma nu nit. 😉 Rechtsoben des war a Opferschrein (des soll a Adler sein, hinten warn nu die Flügel – Des war a Gott bei die Inkas, der sie dann mitnimmt in den Himmel) bei dem sie halt Kinder, Lamas, Frauen usw. dem Gott geopfert haben! Des Bluat is dann vorne bei den Steinen aufgfangen wuan und es hat so ausgschaut wia wenn des da Adler trinken würd! Waxe Partie, oder wia oda was?? 🙂
P9244299 P9244297 P9244305P9244303
Es is dann a nu recht warm wuan da aufn Berg obn und mia warn scho a bissl gar, nach der Nacht voller Schimmel, da in da Hitzen umalafn. 🙂
P9244311  P9244314
Aber ham uns echt nu ois ugschaut und an Haufen coole Fotos gmacht, leider san hoit immer irgendwelche andern Leit a oben, weils leicht überfüllt is, der ganze scheane Platz da obn!
P9244312
Mia ham dann echt ois gspürt, dann haben ma obn nu a Pause gmacht, gjausnet und bissl die Aussicht und Umgebung genossen und dann hats geheißn, oche wieder nach Aquas Calientes.
P9244308P9244306P9244316
Des Foto hat a Frau gmacht, de is oafach zu ins herkemma und hat gsagt es schaut so cool aus wia mia da sitzen, sie muaß da a Foto machen! 🙂 🙂
Um 11Uhr san ma dann zfuaß ogstiegn vom Berg, gefühlte 4000 Inkastufen bergab. 🙂 Des is dann etwas in de Knia gangen,beim oche geh ham ma nu a Deitsche troffn und um 12 warn ma unten, ham nu a Pizza gessen, dann ham ma e scho zum Zug miassen!
Der is vo Aquas Calientes nach Hydroelectrica gfahrn bzw. ghupft, sowas wackligs auf Schienen hab i nu nie dalebt. 🙂
Danach is wieder de peruanische Straße des Todes zrug gangen. Busfahrn in Peru is echt a Action – nach einer Polizeikontrolle, 55mal aufsitzen, einer verlorenen Stossstange, 2 Pausen, 10 Suicid-Hunden, 1000 mal hupen, zahlreichen riskanten Überholmanöver, oan Mann ufahrn und 7 Stunden Fahrt durch Nebel, Regen und Dunkelheit san ma wieder in Cusco ukeman! 🙂
Mia warn fertig mit de Nerven!
Da Joe war a bissl verkiahlt danach, i hab an Muskelkater kab und mia warn um 10pm in Cusco und ham koa Übernachtung kab.
Mann… mia ham scho befürchtet, des kannt nu a harte Nacht werden, aber Gott sei Dank ham de in unsern oitn Hostel nu oa Zimmer für oa Nacht frei kab. Puhh des war echt Fetten! 🙂
Mia san nu hoaß duschen gangen und woitn nimma ause gehn, deswegen ham a dem Gschnachts gfastet a nu und san oafach lei voi fertig eingschlafen! 🙂
Es war echt a HAMMER TAG awa scho a a bissl anstrengend!! 😉

Es ist zu recht ein Weltwunder, it was amazing!! 🙂

32. Tag: Action in Peru

Also mia ham etz folgende Tour gebucht:
Machu Picchu bei Car 2 Days
Mitn Bus von Cusco nach Ollantaytambo, von dort über an Pass, der 4350m huach is, dann nach Santa Maria und Santa Teresa weiter, dann a waxe Straße nach Hydroelectrica und dann zu Fuaß 3 Std.nach Aquas Calientes eine.
Fi des ganze ham ma etz 100$ zahlt, as Mittagessen, Abendessen und Breakfast mit einer Übernachtung is dabei.
So zach wia teier des Ois is… Weil da gabs a an Zug(der tat lei a paar Stund fahren und nid an ganzen Tag) nach Aguas Calientes, der kostet aber für Touris 200$… 🙂 Früher (hat ma a Guide erklärt, hat der für Touris genau gleich viel gekostet, wia für die Einheimischen! Und zwar 10 Soles (ca. 2€)… Echt a Wahn, de wissen scho wia ma Geld macht!)

Um 6 wor Tagwache, koit wars im Zimmer, echt zapfig is in Peru.
Nach am super Frühstück san mia zwoa pünktlich um halb 8 vorm Hotel  gstanden, grad da Bus war weit und breit nit zu sehn.
Nach a Stunden (peruansche Pünktlichkeit) hat uns dann a Pickup okoit und zum Terminal bracht, dort san schon ungefähr 15 weitere Touris im Mercedes Sprinter gsitzt. 🙂
Wieda a halbe Stunde später san ma dann gestartet, i bin einfach zu pünktlich für Peru, da geht des ois vü loggara zua und de ham alle koan Stress, außa dann wenns im Auto sitzen und fahren. 🙂
P9234216 P9234224 P9234213
Mia san da de kurvigen Straßen auf und ab gfahrn, als wie ma a Ralley gwinnan mechtn, wenn jemand langsamer war, san ma vorbei gfetzt, egal ob da a Kurve oder a uneinsichtige Stelle war, der Typ hat sich gar nix “gschissen”. Und nebenbei hat a die ganze Zeit mit oan Typn gredet, der mitgfahren is… (koa Scherz, de habn sechs Stunden durch gredet, auf spanisch…)
I moan auf de asphaltierten Straßen is e nu gangen, aber dann bei de Schotterstraßen, echt a Wahn. Mia is a bissl vorkemma wia die Paris Dakar… 😉 In dem Bus bisch ummagflogen. Also, wenn da koan guatn Magn hasch! 🙂
Da unten auf dem Bild sieht ma a so Inka Terassen, da hab i lei schnell oa Bild vorn ause machen kennan, weil da is er a so schnell um de Kurven gast.
P9234205 
Teilweise san de Straßen e schea und schaun neu aus und dann gibs wieder durch Städte oder ebn Dörfer a Schotterstraßen.
P9234215 P9234220
Da is dann los gangen, mia ham dazu gsagt de peruanische Straße des Todes, ca. 3 Meter breit, auf und ab, Schotterstraße und auf da Seite gehts oche, dass da ganz anders wead.
P9234231
So hat des ganze ausgschaut… A Wahn der Typ is da mit seinem Sprinter durchgfahren, des hasch nid glaubt… Grad nia langsamer wean, nur immer fleißig hupen wenn a unübersichtliche Stelle kimmt.
P9234232
Des war a bissl a Action, weil der is da nit vü längsamer gfahrn.
P9234233 P9234245 P9234246
Mit de Bruggn ham ses a nit so… de war de Schwindligste, lei mit Holzbrettln, awa üwa a Schlucht drüber, echt lustig.:) Sowas hasch nu nia gsehn, über so a Bruggn trauat i mi nid amoi mitn Fahrradl fahrn, de Bretta warn dünner wia a Schalltafel, ohne Stützen. Und so schmal, dass grad und grad der Sprinter Platz ghabt hat.
Wia bei da Camel Trophy! Echt wax! 🙂
IMG_2661
Mia in da ersten Reih im Bus ham natürlich ois nu besser gsehn und es war teilweise oafach lei rauch.
P9234234
Nach der Stunde hat im Bus neamb mehr gschlafen und jeder is eher gstandn als wia gsitzt im Bus, vor lauter Action. Da is da Staub echt gscheid aufgangen. 🙂
Auf der Straßen san a LKWs gfahrn, des warn dann Manöver, de vorbei lassen, fühlt sich glei nu bessa u, wenn ma da dann rückwärts so Richtung Abgrund fahrt.
P9234245  P9234248 P9234253
Ja also danach ham ma bissl gschwitzt und gehofft, dass koa so a Straße mehr kimb, awa es is dann e glei mit a andern Action weitergangen. 🙂 Davor ham ma nu Lunch kriegt, in oana Stadt, da habn ma dann an Amerikaner, an David, kennen glernt, der hat sich dann zu uns da zu gesellt! –> 40 Minutos Lunch, dann is zügig weitergangen. 🙂
IMG_2627 IMG_2633
Nach dem Essen san ma mitn Bus nu nach Hidroelectrica gfahrn, da san ma dann einfach an Dschungel auslassen wuan, wie so Tiere.
Ab in die Wildnis, de Anleitung war, gehts immer de Gleis entlang, irgendwann bei einer alten Station dann rechts. Wenn des versäumts seits in an Tunnel, der war dann eher gefährlich.
IMG_2636
Ja dann san ma gstart, zu gleich mit ca. 40 anderen Personen, es war e ganz gemütlich und is so dahin gangen durchn Dschungl auf die Gleise, irgendwann is dann amoi da Zug vorbeigfahren. Der hat dann amoi fest gehupt, dass a da koan zammenfahrt.
IMG_2638  IMG_2645
Dann is da a Zugbruggn kemma, de war a a bissl speziell. So halb zammen gerostet und wackelig… I bin ma a bissl wia da Indianer Jones vuakemma. 🙂 Echt cool! Mit Taschenlampe, Messer usw… 😉
Awa irgendwie schräg oder, de schicken die da 3 Stund allein durchn Dschungel und sagen, mir warten dann am Ende wieder, wenn da oana gstürtzt oder umgflogen oda so war, mia hatten koan Plan kab.
IMG_2647 IMG_2641
Tiere ham ma leider koane entdeckt, außa wos dann dunkel a nu wuan is, ham ma vü Glühwürmchen gsehn. 🙂
IMG_2648 IMG_2650
De Bruggn war a so Highlights, de Bauweisen teilweise, sehr eigen, aber wenn nu nie was passiert is, passts e gut. 🙂
De Busfahrer ham gsagt, ja zwischen 2 und 3 Stunden weats gehn, bis in Aquas Calientes seits und mia warten dann am Hauptplatz auf eich. Ja guat uma halb 5 san ma gstartet, um 6 is dunkel wuan und um 6.45pm san ma dann gut ukeman.
Sowas tats bei uns a nie gebn, dass da Touristen mitten im Dschungel auslassen wean, allein da durch hatschen, auf da Zugstrecken und ohne an Guide. (Des war so wia wenn ma an Japaner in Kitzbich´l am Bahnhof auslasst, zu ehna sag gehts immer de Gleis entlang und wenn dann Rattenberg steht, biags rechts zum Schlossberg ab, und ja nit durchn Tunnel, der is gefährlich…)

Dann san ma in de Hostels aufteilt wuan, i glab mia hams grausigstes überhaupt kab, mia san etz echt scho abgehärtet, aber des war echt too much. De Fotos segs dann morgen.
Mia ham dann probiert, irgendwie mit kalten Wasser, weil warmes Wasser war sowieso nit drin, uns irgendwie zu waschen, weil ma decht ziemlich durch gschwitzt warn, awa dawarmt ham ma uns nimma. Um 8 is dann nu zum Dinner gangen, des war was typisches peruianisches, vermutlich Hund oda so. Hihi… Nana, war echt guat!
Danach ham ma beschlossen, fi de Nacht brauch ma etz was Starkes und ham uns 2 Caipis bestellt, awa besser gschlafen ham ma deswegn leider decht nit. 🙁
Huiiii morgen werden ma herstehn. 🙂
Es war aber echt a cooler Tag, nit fad und mia ham vü gsehn, ma muss hoit an guten Magen haben und bissl Abenteuer megen, weil nachdenken darf oder soid ma da lieber nit, was da ois passieren könnte. 🙂 Aber wenn Abenteuer suachsch, buach oafach die Tourifahrt zum Machu Picchu!

31. Tag: Sonntag in Cusco

Da ma gestern echt fast wahnsinnig worden san, beim Touren Angebote für Machu Picchu suchen. Ham ma ins heute numoi aufn Weg gmacht und alle abklappert. Ma mechts nit glauben, dass da echt in einer Stadt jeder an andern Preis hat.
P9224176
Als erstes san ma beim Hauptplatz vorbei keman, da war grad irgenda Parade, wo de Militärmusik gspüt hat und ois so Vereine und so durchmarschiert san.  P9224180
Echt funny, wie de marschiert san. 🙂 Alle mit Appellschritt, echt zackig… 😉
P9224183 P9224185
Bei der Parade ham ma dann a Zeitl zuagschaut, da Joe hat festgestellt, dass de Militärmusik in Peru, sagn ma moi… “An eigenen Sound spielt… 😉 Se ham sich hoit a paar moi vielleicht verspüt… 🙂
Aber i glab des is da koa Stress, Hauptsach es is laut… 😉
P9224190
Agrar war a dabei, de san mit Pflanzen durchgfahrn und a verkleidete Kuah is da durch marschiert.
P9224191 P9224192 P9224193
Des war des Jahr unser Bauernmarkt/Almabtrieb Reith 2013. 🙂
Vü los,  scheas Wetter, de Musik hat gspüt, oa Kuah war a dabei, da Hansi H. is hoit leider nit gwen und Sturm/Bier bzw. Zillertaler Krapfen hats leider a koane geben. Und Gäste aus Deitschland ham ma echt a nit vü gsehn und keat. 🙂
P9224197
Danach san ma wieder durch de Stadt gwetzt und jeder woit uns ois verkafn, Pferde reiten, 100 Bustouren, usw. Echt anstrengend!
Um 2 ham ma dann endlich a Tour zum Machu Picchu gebucht kab und warn fruah, dass des erledigt war. 🙂 🙂
Es is echt wüd, de gleiche Tour kostet bei 8 Agenturen verschieden viel, da schaugens die glaub i u und sagen an Preis – der eana grad vorkommt, jedesmal was anders. Total lustig… So zach, i hab im Internet glesn, dass vor 15 Jahr da Machu Picchu nu gratis war und nu ganz wenig Tourismus! Also, des hat sich geändert! 😉
P9224198
Am Nachmittag ham ma dann nu de peruianischen Plattler aufn Hauptplatz troffen und denen a bissl zuagschaut.
P9224199 P9224201
Eana Kleidung is scho echt cool, sooo bunt und wos ois uhaben, sehr vü Lagen und viele Details, gfoit ma voi guat!!
P9224203
An spadan Nachmittag ham ma dann im Hotel relaxt und Schnulzen im TV gschaut! 🙂 Abnds ham ma as ganze Zeig fin Trip zum Machu Picchu zammen gepackt.
Mia ham auf so an Flugblattln gsehn, dass a Lokal gibt, wo a Jam Session stattfindet, da woit da Joe natürlich hin. 🙂 Also ham ma uns auf de Suche gmacht, nach a halbe Stunde, ham mas in einer etwas komischen Gegend gefunden. Da war absolut nix los und de Leit was da umaglofn san, warn mia bissl suspekt. Deswegen ham ma dann nur was gessen und habn gschaut, dass ma da schnell wieder weg keman. Echt so wax, an Joe hams scho fünf mal gfragt, ob er irgendwas braucht, (se kanntn eam ois besorgen was a will) des warn immer finstere [Joe – so finster warn de garnid 🙂 Zumindest nid finsterer wia i! Hihi… ] Typen. Da Joe schau doch so liab aus… 🙂 Am hell liachten Tag, neben mia, mi hat nu nie einer angredet, awa der oane hat dann gmoant, dass iiii (Vroni) schüchtern wäre, weil i glei weiter gangen bin und nit moi mit eam reden woit.
Da warn ma dann wieder gern im Hostel daheim und san um 11 in de Federn ghupft, weil ma ja am negsten Tag friah ausa ham miassn.

Buenas noches Dahoam! 🙂

Veröffentlicht unter Cusco | Verschlagwortet mit

30. Tag: Cusco auf 3.416m

P9214058
A dem Tag san ma zmittag gstartet, scho in da ersten Gassen, san uns de 2 “netten” peruanischen Frauen entgegen keman.
Mia: “Ma liab, is des Viech” Se: “Foto?”, Mia: “Si, si!” 🙂
P9214059 P9214063 P9214061
I hab glei paar Foto gschossen, wo da Joe des Tier hebt, awa dann is sie zuina keman, de Kloane, hat de Hand hergestreckt und gsgat “dos Fotos, 10 Soles”… haha… zerst nett toa und dann abzocken, daraus ham ma a wieder glernt und koa Foto mehr mit Einheimischen gmacht. Muas ma sich geben, wie de scho verpissen gschaut hat de Rechte.
P9214064
Dann ham ma uns moi an Hauptplatz ugschaut, der war echt riesig und echt schea hergrichtet, mit an Brunnen in da Mitte, viele Blumen und Bänke, auch da woit ins jeder Zweite was verkaufen. Da wars dann schon mal hartnäckiger, Glück ham ma kab, dass ma nit mit Lackschuach oda so am Weg warn, sonst hat uns a nu jeder dritte gfragt, wegen Schuach putzen. 🙂
P9214065
Da war ganz schea vü los, da trifft sich ois.
Mia sitzen gmiatlich in da Sun, dann kommt a alter Mann auf uns zu, sag Hallo und so, dann sitzt a sich her, stellt sich vor, macht an Handshake, der fast 1Minut dauert hat, dazählt vo seim Leben, mia verstehn nit vü, awa mit Hand und Fiaß is dann schon gangen. Lange Reden kurzer Sinn, nach 10 Minuten ham mia dann a moi checkt, dass er eig. nur a Geld mecht und ham uns dann unaufällig ausn Staub gmacht.
P9214069 P9214071 P9214079
Mia ham uns glei im ersten Geschäft trockene Coca Blattln kafft de dann fleißig kaut, aber guat is echt was anders. Mi hats teilweise bissl gwürgt, naja und Wirkung hat ma etz a koane gspürt. Da Joe hat fast an Kilo va de Dinger gessn, aber irgnedwia hat a a nix gspürt. Des tuat da jeda um die Höhe besser vertragen z’kenna.
P9214073
Mia san mal durch die Stadt geschlendert, wieder moi bei a Kirche vorbei kommen, bei am Park und bei einem Markt. De senn glab i echt so katholisch, da stehten geschätzte 1000 Kirchen umma, in jeda Eckn oane. Und alle echt volle schea, was ma va die normalen Häuser nid behaupten ku!
P9214077
Mia is aufgfallen, das a Taxi oder Busfahrer wenn se bei a Kirche oder an Kreuz vorbei fahrn, a immer a Kreizzeichen machen.
P9214080 P9214081  P9214086
Um den Hauptplatz uma, san ca. 100 Restaurants (natürlich alle mit Menü Touristica) und voi nett, a paar ham so kloane Balkone vorn außi. (Ma muss sich hoit a traun, bei de teilweise eigenwilligen Bauweisen) Wenn ma da in da Mittagszeit vorbei geht, kriegt ma vo jeden de Speisekarte vorglesen und jeder redet di an und mecht di eine locken. 🙂 Guat, dass mia zmittag nie was essen. 🙂
P9214087
So wies ausschaut, hams fis Gaschtln a a Handl, de Peruaner 🙂 Aber echt lei bei den Plätzen wo Touris am weg senn.
P9214088
Uma 2 ham ma dann so a Sightseeing Tour mit an Doppeldecker-Bus gmacht, zerst is a 3 mal uman Hauptplatz gfahrn, aber dann san ma voi Gas gstartet.
P9214091 P9214092 P9214093 P9214094
Mit so an Bus is quer durch Cusco gangen, alle Kirchen haben ma abklappert und alle sehenswerten Plätze.
P9214096 P9214100 P9214120 P9214104
Da hats a Wand geben, da is de ganze Geschichte vo Cusco mit Cartoons aufzeichnet gwesen, de hat sehr cool ausgschaut. 🙂
P9214107 P9214108
Sehr interessant is a, de Stromversorgung vo Peru, ein Kabelparadies der extra Klasse, also da wenn moi oas hin is, hawidere. Echt zach, da häng ois irgendwie umma, awa da is sicha a austüfteltes System dahinter(oda a nid). 🙂 A paar moi hat’s so ausgschaut wia wenn auf oan kloan Holzmasten 220V, 10kV, 20kV aufglegt warn. Grad und grad, dass sie koa Hochspannung auf de Masten aufiwickeln! 😉 Echt zach de Typen! 🙂
Da ku sich de Tiwag nu a bissl was oschaun. Und ugschlossen wead oafach direkt am Kabel! 🙂 Sowas hasch echt nu nia gsehn!
P9214122
Mia san dann durch Gassn auf an Berg aufe gfahrn, wo ma echt sieht, wie arm de Leute da eigentlich sind. Des is sooo wild.
De Häuser ham teilweise echt fertig ausgschaut. Nit verputzt, oder so fetten Spalt zwischen Dach und Wand, oder gar koa Dach, oder koane Fenster, oder de mit Papier zua pickt. Da warn Zustände ums Haus, des ku ma sich gar nit vorstellen.
So vü Müll und Dreck, i ku ma echt nit vorstellen, dass des denen Wurscht is, aber da warn echt fast koane Häuser, wos aufgräumt war, mia hams echt nit glauben kenan. Und se stehn voll auf Wellblech, wenn a Haus a Dach hat, dann is meistens aus Wellblech.
P9214123
Es ist echt wild, wenn da so durch fahrst und de Leute, Häuser, Tiere, Zustände siehst, wenn donn woast bzw. nachdenkst, wie mia leben und wie de leben, dann mag ma echt schlucken.
Aber i glab des is de Mentalität da, da stresst des koan, wenn da Müll umma liegt.
P9214124
Was glaub i a ganz schea a Plage is, san de ganze Hunde, echt so vü Hunde habs auf oana Straße nu nie gsehn, alle 2 Meter sitzt oana, i woas nit wie de überleben, weil de san alle frei laufend und kean neamb. Auf de jeden Mullhaufen sitzen a paar und stieren umma.
P9214132 P9214136 P9214137
So da san ma dann mitn Bus auf dem Hügel ukemma, de Christus Statue hams vo Israel geschenkt bekommen und de wacht über die Stadt. Da oben hat ma dann an unglaublich guten Ausblick auf de ganze Stadt Cusco. Des war de Inka Hauptstadt und hat über 550.000 Einwohner. Da leben a nu ganz, ganz viele Nachfahren va die Inkas (de Quechuas genannt wean). Und i sag’s eich, de Geschichte va die Inkas is a Wahn und unglaublich, bessa wia jeda Kinofilm. Aber spata mehr dazua! 🙂
P9214135
Bei jedem Platz, wo Touris hikeman, gibs an Markt, wo Frauen Kunsthandwerkssachen verkaufen, mia taugt des e voi, obwois dann leider e immer as gleiche verkaufen, aber mia ham scho zuagschlagen. 🙂
P9214140 P9214141
P9214144 P9214147 P9214142
Dann is weiter gangen, hinter dem Hügel war dann Saqsaywaman.
Des war amoi a Inkafestung, vü is nima übrig blieben, weil voi vü friaha zerstört worden is oder Erdbeben warn, ca. 1/3 is da nu im Originalzustand.
P9214143P9214145  P9214149 P9214154 P9214158 P9214161 P9214163
So wax, wia die Inkas vor ca. 600 Jahr solche Festungen bauen habn kenna… Mit Wasserkanälen (Aquädukten) wo sie teilweise heite nu nid genau sagen kennan, wo des Wasser herkimmt, aber es rinnt immer nu! Des glabsch nid, i glab der Typ hat a gsagt wo die Inkas am größten warn, war as Reich größer wia as römische… Und de habn ja echt koan Bagga und koa Motorsag ghabt, de habn ois mit Kuper-, Bronze- und Steinwerkzeig gmacht. Unglaublich, echt unglaublich!
P9214166 P9214169
Die letzte Station war dann numoi bei a Kirche vorbei.P9214171
Danach war uns wieder moi zkoit, weil wenn koa Sun mehr scheint, da geht glei mal a Wind und des tust unterschätzen und dann gehts oan so wia ins, dass ma an Sonnenbrand haben. 🙂
An Hunger ham ma a ganz an Narrischen kriagt und san dann in a nettes Lokal eine, ham wieder moi gut diniert und uns die Stadt angschaut! 🙂IMG_2619
Schean Gschnachts! 🙂

/a Schean Gschnachts! 🙂

Veröffentlicht unter Cusco | Verschlagwortet mit

29. Weiterreise nach Cusco

Mia san um 6 aufgstanden, ham auscheckt und san mitn Taxi zum Flughafen gefetzt. Der Fahrer war desmal ganz a ruhiger, hat gar nix gredet und a nit gehupt und so, angenehme Fahrt so Früh am morgen.
Ja um 10e san ma dann vo Lima nach Cusco weitergflogen, e lei 1 Stunde Flug wars, war aber vü feiner, weil mitn Bus waren ma vo Lima nämlich ca. 25 Stunden gfahrn.
Des war schnell vorbei, dann hat uns sogar a Mann vom Hostel am Flughafen okoit, e fein, weil da san wieder ca. 50 Männer gstanden und alle woitns ins nu billiger in die City bringen. 🙂
Um 1 warn ma dann im Hotel Anita, echt ganz nett, a kloana Dschungel is im Innenhof und ganz ruhig und nette Leute.
Da ham ma uns glei wohl gfühlt und ham mal 4 Stunden a Mittagsschlafal gmacht, bzw. die Nacht nachgeholt.
P9214052 P9214053 P9214057 P9214051
Abends san ma dann gut Essen gangen, da Joe hat a Lama probiert, war sensationell und dann san ma nu bissl durch de Stadt geschlendert.
As Zimmer war voi gemütlich, awa sooooo koit, da hats an Zapfen kab, dass sogar an Joe zkoit war, aber mit 27 Decken is dann schon gangen. 🙂 Er hat dann nu a bissl spanisch glernt mit Fernsehen und dann senn ma fein eingschlafen… 🙂
hotel3 hotel1 hotel2
Buenas noches daweilo!

Veröffentlicht unter Cusco | Verschlagwortet mit

28. Tag: Lima, die Hauptstadt

Nach über 13 Stunden Schlaf im Hostel san ma wieda total fit gwen. Nachdem Frühstück san ma mitn Bus um 12e in die Stadt gfahrn. Nach 45 Minutos im Bus, san ma vor lauter ratschen mit an alten Mann aus Peru und a Frau aus Schweden (de boade Deitsch kennan habn), z’weit gfahrn. 🙂
P9193888
P9193893
Nach a Stunde san ma dann da ukeman, wo ma hin woitn, im Zentrum, da san echt tolle und sehenswerte Gebäude in Lima. 🙂
P9193897 P9193895
Auf dem Platz war echt voi vü los, aber irgendwie warn mia so de oazigen weißen Menschen weit und breit. 🙂
A lustige Gschicht:
Mia 2 gehn da so gmiatlich übern Platz, dann kommt a junges Paar mit an ca. 4 monatigen Baby daher, geht auf ins zua und redet irgendwas auf spanisch, mia ham natürlich wieder moi nix vastanden, da Joe lei ha, was, wieso, warum!?!? So schnö hat er gar nit schaun kenan und scho hat er des Baby in da Hand kab (und hat irgendwia nid gwisst wia a des hebn soi??), dann hab i gmoant ok, se woin, dass i a Foto vo eana aus Paar mach. Aber des war nit so, se woitn a Foto machen, wie mia 2 eana Baby heben!!! 🙂 Total schräg…
Mia ham uns gar nimma auskennt, da Joe lei mehr – was isn jetz, was passiert denn da?? “Was tun ma, wenn de etz glei davon laufen und mia stehn mit eanan Baby da…Hilfe!”… haha keine Ahnung, i glaub weiße Menschen san echt so selten da, dass mia da voi a Sensation warn. Dann ham ma nu a Foto mit da Frau und dem Baby auf Joes Armen gmacht. Schlussendlich ham ma nit gwusst warum und wieso, aber jedenfalls war da Joe ziemlich bleich im Gsicht und dann erleichtert, wo da Papa as Baby wieder gnuma hat, i hab lei glacht. :))) Er hat echt gmoant de woin uns jetz des Baby da gebn und überlassen… 🙂
P9193899 P9193901 P9193902
Dann gings durch die Altstadt, in da Fußgängerzone warn dann so Künstler, des is glaub i nit so erlaubt, weil de Polizei scho uma gstanden is und se da weg bringen woit.

P9193906

As Fahrzeig der peruianischen Polizei is a nit schlecht. ,[Joe] Überhaupt die Autos in Peru senn a Wahn… Soooo oite Dosen und alle volle kloa! 🙂 Und die meisten senn umgerüstet auf Gas, weil da Sprit in Peru fast gleich teier is wia ba ins. Jedenfalls, hat fast jedes Auto so an Gastank im Kofferraum.
P9193905
In der Straße war dann nu a Star aus Peru, sig ma im Foto rechts, mia wissen zwar nit genau wer des war, aber hier das Foto. 🙂

P9193907 P9193909 P9193910
Des war dann da Präsidenten Palast, der war bewacht, da san alle 2 Meter Polizisten gstanden und drinen nu de extra Wachen. Echt ein sehr schönes Gebäude!
P9193915
Des war die Kathedrale und da Hauptplatz.
P9193916
Und irgendwia is auf de Türen va da Kathedrale gstanden (falls i des richtig verstanden hab) dass vom Pizarro (spanischer Eroberer, der die Inkas bekämpft hat) der Leichnam in da Kathedrale ausgstellt is. War aber sehr teier, deswegn senn ma nid eini… 🙂
P9193919
Mia wissen nit obs gscheid war, awa a Eisä ham ma ins unbedingt einbildet. 🙂
P9193913P9193918 P9193921 P9193920  P9193922 P9193931 P9193939
Da Joe will sooo gern spanisch kenan, etz mecht a scho hibsch oan ausalassen mit unsern kloan Schwindelzettel. 🙂
P9193934
Mia san oafoch quer durch de Stadt glofen und san dann moi zu an Park keman und ham a Pause gmacht.
Da wars dann a lustig, weil da war da weiße Joe mitn goldenen Bart sowas wie a Star oder so, da warn mehrere Schulklassen vo Peru und de Mädls san dann immer näher kommen. Ham sich vor mi hingestellt und a Foto gmacht, dass da Joe aufn Foto obn is, eam hat des natürlich gfoin und dann hat a glei nu bissl glacht und gwunken, dann wars so wieso ganz hin und weg de Diandla. 🙂
P9193941 P9193947
A dem Park warn dann a letzte Reste der alten Stadtmauer vo Lima.
P9193948 P9193950 P9193954
Auch von de Straßen und Gebäuden warn nu a paar Überreste da.
P9193953
P9193952
De Kinder vom Kindergarten, die ma links unten aufn Foto sig, de ham uns a moi ugschaut, so quasi wo mia herkemam, i glaub se ham oan englischen Satz gwusst, den ham 2 glei an Joe gfragt.
P9193957 P9193960 P9193962
Da da Präsident glaub i grad hohen Besuch kab hat, san da witzelweis Polizisten und Wachen umagstanden. Der Typ da obn hat sogar an Granatenwerfer mit kab.P9193964 P9193965 P9193967P9193969
Zmittag san ma dann so pipifein essen gangen,also da warn 6 Restaurants auf den Platz und de ham um uns gekämpft, echt.
Mia ham uns dann fi den Kellner entschieden, der uns auf Englich uquatscht hat, weil dann ku a uns was erklären a.
Des Lokal war da Wahn, mia ham bitte 3 Gänge um 23 Sole mit einem Getränk und nu an geschenkten Getränk, dem Nationalgetränk kriegt. Es war so gut, Hammer, und mia ham umgerechnet 10 Euro zoit, dann ham ma an Kellner nu 5 Euro Trinkgeld gebn, also der hats nima glaubt, mia ham dann erst checkt, dass des ja 50% warn. 🙂
Awa mia ham so a Freud mit dem guten Essen kab, dass uns des Wert war und er hat sich a gfreit wie a kloans Kind und uns vier mal die Hand gebn… 🙂
P9193971 P9193972 P9203977
Da Joe woit ja in jeder Stadt scho mit so an Sightseeing Bus fahrn, etz ham mas in Lima endlich tu, es war interessant, awa es war so a**** koit, dass uns fast ois ogflogen is.
P9203980
 P9203989 P9193926
P9203981P9203982P9203986  P9204021 P9204024 P9204028 P9204029
Des war echt a mega Wasser-Park, den ham ma beim Hellen davor leider nit gfunden, awa war vom Bus ocha a schean.
P9204031 P9204032
Des war nu da Justizpalast vo Lima.
P9204043
Danach san ma wieder durch die Fußgängerzone retour und ham unsa Bushaltestelle gsucht. Da de nit glei hergangen is, hat da Joe nu bei so am uralten Spielautomaten Time Crisis II spün miassn.
P9204049
Danach warn ma dann um 8e daheim, i hab nu bissl im Hostelwohnzimmer gechillt und da Joe woit oa Bier trinken, weil im Hostel a Bar dabei war. 🙂 Wie ma an Joe alle kennan, is dann nit bei dem blieben. Es war oft recht lustig und dann hat er moi an loggan obissen, mit oan slowakischen Typen, der im Zillertal Skilehrer is und nu so a paar so Aussteigertypen.
Er is dann spat ins Zimmer keman und woit eig. nu nit schlafen geah, awa de Vernunft hat gesiegt und er hat sich doch nieder glegt, weil ma an negsten Tag scho um 6 aufsteh ham miassen.
Over and OUT.

Veröffentlicht unter Lima | Verschlagwortet mit

27. Tag: Peru/Lima

Um 00.15am san ma vo Los Angeles los gflogen in den Süden, und um 11.00am san ma in Lima glandet. 🙂
Da Flug hat über 8 Stunden dauert, aber uns is a voi kurz vuakeman, einigsitzt, gschlafen, Film gschaut, gessen, gschlafen, Film gschaut und scho war ma da…..also echt pipifein fliegt ma mit da LAN. 🙂

Ja am Flughafen dann, hat ma 2 Zettl ausfüllen miassen, wegen Einreise und Zoll, dass ma nix einführt ham… de Vroni hat natürlich wieder an Apfel im Handgepäck kab… :/
Es hat sich jeda vo gfreit, dass ma da san, alle Touris warn herzlich willkommen.. ca. 50 Taxifahrer ham gleichzeitig mit einem gredet und woitn oan de billigste Fahrt in die Stadt verkaufen.
Angefangen vo 53$ bis 40$ für 2 Personen, ham ma uns dann fi a Taxi um 20$ (in Peru is da Doller die zwoate Währung, ma ku fast überall mit Doller zahlen und mir persönlich kimmt vua, se wolln a liaba Doller wia Soles) zammen, entschieden. Immer nu zuvü awa egal….
De Fahrt war a bissl naja… wie a Fahrt ins Ungewisse, mia ham nit recht gwusst, kenan ma dem traun, er hat vü gredet, aber fast koa Englisch (vier Wörter) und hat koa Taxischild obn kab und unta da Fahrt hat a nu sei Kravattn und so auszogn. Naja mia hams riskiert und san 45 Minutos spata gut bei unserem Hostel ukemma.
Der Taxifahrer hat ungefähr 100moi gehupt und ziemlich Gas gem.

Des Point Hostel war einzigartig, sowas habn ma etz a nu nie gsehn, awa kannt glaub i ganz lustig werden, ois junge Leit und das Party Hostel, mia ham a 4 Bett Zimmer… ois im Peru-Style. 🙂
schlafen joe schlafen vroni
Nach Einchecken san ma moi ins Metro einkaufen gangen und dann ham ma an Park gfunden, da ham ma uns moi 2 Stunden eineglegt und in da Sun pfiffen. 🙂
P9183872
Nachdem das ma wieder ausgschlafen warn, san ma durch die City spaziert, ham nu an coole Plätze gfunden, an Weg zum Meer.
P9183874P9183882P9183883
Da ham ma dann mal unsere Fiaß an Pazifik gehängt.
P9183881   P9183884 P9183886 P9183887

Der Auschlag vom Joe is so gut wie weg und de Vroni hat doch koan Fußpilz… also gehts uns wieder gut. 🙂 🙂 🙂
P9183880

Danach ham ma sooooooo lecker gessen, WOW, mia megen Peru etz scho, des war echt sehr sehr gut!!
Da freit die Vroni as Essen endlich wieder! 🙂
essen peru
An Caipi und an a Corona dazu und uns geht supaaa!!
Liawe Griaß! 🙂

Veröffentlicht unter Peru | Verschlagwortet mit